Keshe, 17 sáýir májilis kýlýarynda depýtat Ashat Aımaǵambetov qazaqstandyqtardyń AHAJ-da zańdy túrde nekesin qımaı turyp, nekege turatynyna qatysty pikir bildirdi. Onyń aıtýynsha, bul – zańsyz, dep habarlaıdy “Adyrna” ulttyq portaly.
Májilismenniń aıtýynsha, qazaqstandyqtar nekelerin resmı túrde tirkemeı, ımamnyń neke qııý rásimimen shektelip jatyr.
«Siz aıtyp turǵan áreketterdi quptamaımyn, tipti zańsyz dep esepteımin. Bizde tıisti tártip boıynsha resmı tirkelgen neke ǵana zańdy bolyp esepteledi. Resmı tirkeýsiz qıylǵannyń bári neke bolyp eseptelmeıdi. Demek, meshitte nemese shirkeýde ǵana qıylǵan neke zańdy neke bola almaıdy», - dedi ol.
Sondaı-aq, Ashat Aımaǵambetov zańda bul másele aıqyn rettelgenimen, meshitte ǵana neke qııa salý trendke aınalyp bara jatyr dep esepteıdi.
«Shyn máninde bul zańǵa qaıshy. Biz – zaıyrly memleketpiz. Neke qııýdyń zańmen belgilengen tártibi bar. Resmı tirkeýsiz neke qııatyn dinı qyzmetkerlerdiń jaýapkershiligin talqylap, taldaý kerek. Men bul máselemen aınalysamyn», - dedi Ashat Aımaǵambetov.
