Ūlytau oblysynyŋ ortalyǧynan şalǧai ornalasqan Ūlytau audanynda audan tūrǧyndary, qonaqtary men jastar arasynda qūqyqtyq mädeniettı qalyptastyru, sybailas jemqorlyqtyŋ aldyn alu, qarjylyq qauıpsızdıktı arttyru jäne esırtkı qylmysyna qarsy tüsındıru jūmystaryn küşeitu maqsatynda «Adal qoǧam: Zaŋ, sana jäne qauıpsızdık» atty forum ūiymdastyryldy.
Aqparattyq-aǧartuşylyq formatta ötken şaraǧa audan tūrǧyndary, jastar, memlekettık organdardyŋ ökılderı jäne būqaralyq aqparat qūraldarynyŋ ökılderı qatysty. Forum barysynda qatysuşylarǧa internet-alaiaqtyqtyŋ aldyn alu joldary, dropperlık shemalardyŋ qauıptılıgı, sifrlyq qauıpsızdık erejelerı, sondai-aq esırtkı qylmysynyŋ qoǧamǧa tigızetın zardaptary turaly jan-jaqty aqparat berıldı.
Sonymen qatar jastar arasynda zaŋǧa qūrmet qalyptastyru, qūqyqtyq sauattylyqty arttyru jäne salauatty ömır saltyn nasihattau mäselelerı keŋınen talqylandy. Mamandar qoǧamdaǧy qauıpsızdık pen tärtıptı saqtau är azamattyŋ ortaq jauapkerşılıgı ekenın atap öttı.
Is-şaranyŋ täjıribelık bölımınde arnaiy qyzmet ökılderı özderınıŋ käsıbi daiyndyqtaryn körsettı. Kinologiialyq qyzmet mamandary qyzmettık itterdıŋ kömegımen tyiym salynǧan zattardy anyqtau täsılderın tanystyrdy.
Forum aiasynda qatysuşylarǧa interaktivtı oiyndar, sūraq-jauap alaŋdary jäne konserttık baǧdarlama ūiymdastyrylyp, jastardyŋ belsendı qatysuyna mümkındık jasaldy.
Mamandardyŋ pıkırınşe, mūndai kezdesuler jastardyŋ boiynda qūqyqtyq mädeniet pen qoǧamdyq jauapkerşılıktı qalyptastyryp, sybailas jemqorlyqqa, internet-alaiaqtyqqa jäne esırtkı qylmysyna qarsy immunitettı küşeituge yqpal etedı.
Atalǧan forumdy Ūlytau oblysy Polisiia departamentı, Ūlytau oblysy boiynşa ekonomikalyq tergep-tekseru departamentı, QR Memlekettık qyzmet ısterı agenttıgınıŋ oblystyq departamentı jäne «Ūlytau jastary» qoǧamdyq bırlestıgı bırlesıp ūiymdastyrdy.
