Joba - Memleket basşysynyŋ Ūlytau oblysyn damytuǧa qatysty tapsyrmasyna säikes Bolat Ötemūratov qorynyŋ qoldauymen Jezqazǧan qalasynda bastau aldy. Ǧimarattyŋ jalpy aumaǧy 2600 şarşy metr bolady, nysan - 250 balaǧa şaqtalǧan. Oquşylar saraiynyŋ alǧaşqy ırgetasyn qalau räsımıne qatysqan Ūlytau oblysynyŋ äkımı Dastan Ryspekov qor basşylyǧyna alǧysyn jetkızdı.
«Özderıŋız bıletındei, Jezqazǧan qalasynyŋ batys audany damu satysynda. Būl aumaqta aldaǧy uaqytta oblys ortalyǧynyŋ arhitekturalyq kelbetın jaqsartatyn äleumettık nysandar, köpqabatty tūrǧyn üiler boi köterıp, qala halqy üşın qolaily orta qalyptasady. Solardyŋ bırı –osy Oquşylar saraiy bolmaq. Jas oblysymyzda tarihi sättıŋ oryn aluyna qoldau bıldırgen Bolat Ötemūratov atyndaǧy qordyŋ basşylyǧyna alǧysymyz şeksız»-dedı Ūlytau oblysynyŋ äkımı Dastan Ryspekov.
Saltanatty räsımge Bolat Ötemūratov Qorynyŋ direktory Ainūr Karbozova men qordyŋ Qamqorşylyq keŋesınıŋ töraǧasy Almaz Şarman arnaiy qatysty.
Jaŋa oquşylar saraiynyŋ ışınde akt zaly, mediaortalyq, horeografiia jäne jekpe-jek zaldary, sensorlyq bölmeler, fotostudiia men muzykalyq kabinetter, sondai-aq sifrlyq öner, robototehnika, jaratylystanu jäne naqty ǧylymdardy bırıktıretın mamandandyrylǧan STEM-ortalyǧy ornalasady.
Körşıles aumaqta balalar jäne sport alaŋdary, demalys aimaqtary, avtotūraq pen kögaldandyru qarastyrylady. Ǧimarat tolyqtai mümkındıgı şekteulı azamattarǧa beiımdelıp, qauıpsızdık pen energiia tiımdılıgı talaptaryna sai bolady. Qūrylystyŋ 2026 jyldyŋ mausymynda aiaqtaluy kütılude.
