Ózbekstan Ujymdyq qaýipsizdik týraly shart uıymyna (UQShU) qaıta oralý máselesin qarastyryp jatqan joq jáne osy uıym múshelerinen shaqyrtý alǵan joq, dep dúısenbide el prezıdentiniń baspasóz hatshysy, onyń ákimshiligi basshysynyń orynbasary Sherzod Asadov málimdedi, dep "Adyrna" portaly RIA Novostıge silteme jasap habarlaıdy.
«Bizge UQShU-ǵa múshe bolý týraly usynystar túsken joq. Onyń ústine bizdiń zań áskerı bazalar qurýǵa jáne ondaı uıymdarǵa kirýge tyıym salady», - dedi Asadov brıfıng barysynda.
Buǵan deıin Tájikstan UQShU odaqtastarynan kómek suraǵan, óıtkeni bul eldiń Aýǵanstannan keletin qıyndyqtardy jalǵyz ózi jeńýi qıyn bolady. Dýshanbeniń pikirinshe, qazirgi jaǵdaılar «UQShU aıasynda tıisti reakııany, onyń ishinde ońtústik shekaralardy qorǵaý áleýetin kúsheıtý jónindegi sharalardy qabyldaýdy» talap etedi.
Ujymdyq qaýipsizdik týraly shart uıymy (UQShU) aımaqtyq halyqaralyq uıym bolyp tabylady, onyń maqsaty - «beıbitshilikti, halyqaralyq jáne aımaqtyq qaýipsizdik pen turaqtylyqty nyǵaıtý, ujymdyq negizde múshe memleketterdiń táýelsizdigin, aýmaqtyq tutastyǵy men egemendigin, basymdylyǵyn qorǵaý» oǵan qol jetkizýde múshe memleketter ony saıası quraldarǵa beredi. Qazirgi ýaqytta uıymnyń músheleri Reseı, Armenııa, Belarýssııa, Qazaqstan, Qyrǵyzstan, Tájikstan bolyp tabylady.
"Adyrna" ulttyq portaly
