Premer-ministrdıŋ orynbasary Almatyǧa jūmys saparymen baryp, megapolistegı kölık-logistikalyq, energetikalyq, industriialyq jäne turistık jobalardyŋ jüzege asu barysymen tanysty, dep habarlaidy "Adyrna" ūlttyq portaly.
Vise-premer Nūrlybek Nälıbaevtyŋ aituynşa, Almatynyŋ damuy men tūrǧyndardyŋ ömır sapasyn arttyru mäselesı Qasym-Jomart Toqaevtyŋ erekşe baqylauynda. Ükımet infraqūrylymdyq jobalardy uaqytyly aiaqtau jäne energetikalyq nysandardyŋ tūraqty jūmysyn qamtamasyz etu baǧytynda qajettı şaralardy qabyldap jatyr.
Jūmys sapary barysynda vise-premer aldymen Almaty halyqaralyq äuejaiy aumaǧyndaǧy infraqūrylymdyq jobalardy tekserdı. Qazırgı taŋda mūnda VIP-perron, ūşaqtardy mūzdan tazartu alaŋy jäne jaŋa jük tūraqtary salynyp jatyr. Äuejaidy basqaratyn kompaniiasyna jaŋǧyrtu jūmystaryn 1 şıldege deiın aiaqtau tapsyryldy.
Sonymen qatar, Almaty-1 temırjol vokzalyndaǧy jaŋǧyrtu jūmystarynyŋ baiau jürıp jatqany synǧa alyndy. Vise-premer jolauşylarǧa qolaisyzdyq tuǧyzbau üşın qūrylys qarqynyn küşeitıp, qajet bolǧan jaǧdaida täulık boiy jūmys ısteudı tapsyrdy. Sapar aiasynda Ülken Almaty ainalma avtojoly qūrylysynyŋ barysy da qaraldy. Jobany jüzege asyru barysynda jer telımderın satyp alu men bosatuǧa qatysty mäseleler bar ekenı aityldy. Ükımet qūrylys jūmystaryn jedeldetu qajettıgın atap öttı.
Sondai-aq vise-premer Astana Motors Manufacturing Kazakhstan bazasynda qūrylǧan avtomobil klasterınıŋ jūmysymen tanysty. Joba jaŋa jūmys oryndaryn aşyp, önerkäsıptık äleuettı arttyruǧa baǧyttalǧan.
