Almatyda 6 jasar bala "Maınkraft" oıynynyń saldarynan aýrýhanaǵa túsken. Bul týraly balalar psıhıatry Olga Aleksandrova aıtty, dep habarlaıdy “Adyrna” ulttyq portaly.
"Ol kezde bala 6 jasta edi. Ol osy oıyndy oınap, sodan keıin YouTube kórgen. Aqyr aıaǵyndaǵy balada qorqynysh paıda boldy, túnde uıyqtaı almady. Bul oıyn ony qorqyta bastady. Ol uıyqtaı almady, eshteńe jemedi. Tıisinshe, balanyń psıhıkasy nasharlaı bastady. Ata-anasy ony bizge emdeýge alyp keldi. Biz oǵan dári-dármek berdik, psıhologtar jumys istedi. Onyń júıke júıesi tártipke qalypqa kele bastady", - dedi dáriger.
Sondaı-aq, ol balalarǵa arnalǵan gadjetterdiń zııany týraly aıtty. Aıtýynsha, keıingi jyldary smartfon oıyndaryna shamadan tys qumarlyq saldarynan kishkentaı balalardyń damýy tejeýildep qalǵan jaǵdaı jıilep ketken.
"Dáriger retinde balany oıyndardan shekteýge keńes beremin. Qazir aýtızmge shaldyqqandar sany artqany aıtylyp júr. Ata-ana balaǵa qansha aıdan bastap telefon beretinin bilesiz be? Jórgekten bastap. Nelikten ol sóılep úırenedi? Ol sol vırtýaldy álemde ómir súredi, oǵan sol álem áldeqaıda qyzyq bolsa, ol nege odan ári damyǵysy keledi? Bul jerde aýtızm emes, telefonǵa táýeldilik", - deıdi balalar psıhıatry.
