Foto: QR QMA baspasöz qyzmetı.
Almatyda sot tärkılenuge jatatyn mülıktı zaŋsyz iemdenu maqsatynda «jyljymaityn mülıktıŋ bıryŋǧai memlekettık kadastryna» jalǧan derekter engızgenı üşın bır top adamǧa ükım şyǧardy. Būl turaly qarjy monitoringı agenttıgınıŋ (QMA) baspasöz qyzmetı mälımdedı, dep habarlaidy "Adyrna".
«Almaty qalasynda memleket paidasyna tärkıleuge jatatyn mülıktı iemdenu maqsatynda «Jyljymaityn mülıktıŋ bıryŋǧai memlekettık kadastry» aqparattyq jüiesıne jalǧan mälımetter engızudı ūiymdastyrǧan adamdar tobyna qatysty sot ükımı şyqty», - delıngen habarlamada.
Būǧan deiın qarjylyq monitoring agenttıgı Kospaevtyŋ basşylyǧymen äreket etken ūiymdasqan qylmystyq topqa qatysty tergeudı aiaqtaǧan. Atalǧan top «AV-Construction» JŞS, «Stekolnyi zavod» JŞS, «Şalqar 17» JŞS, «Bahar-A» JŞS jäne basqa da käsıporyndardy reiderlık jolmen basyp alu faktılerı boiynşa äşkerelengen.
Sottyŋ şeşımımen tärkıleu maqsatynda Almaty qalasyndaǧy «Nikolskii» bazary aumaǧynda ornalasqan «Nikolsky Investment» JŞS-ne tiesılı jer telımı men mülkıne tyiym salynǧan.
«Alaida 2025 jyldyŋ qyrküiek aiynda Aslan Puhaev, Anton Soloviov pen Jaqsylyq Särsenbaev «Azamattarǧa arnalǧan ükımet» memlekettık korporasiiasynyŋ aqparattyq jüiesıne jalǧan mälımetter engızu arqyly atalǧan tyiymdy zaŋsyz alyp tastaudy ūiymdastyrǧan. Keiınnen jalpy qūny T2,2 mlrd bolatyn mülık pen jer telımın ärı qarai satu maqsatynda jalǧan tūlǧalardyŋ atyna qaita räsımdelgen», - dep atap öttı agenttık.
Sot kınälılerge alty jyl alty ai merzımge bas bostandyǧynan aiyru jazasyn taǧaiyndady. Ükım zaŋdy küşıne endı. Mülık memleket menşıgıne qaitaryldy.
