Abai atyndaǧy opera jäne balet teatry törınde Qazaqstannyŋ Halyq jazuşysy, Eŋbek Erı, aqyn, memleket jäne qoǧam qairatkerı Oljas Süleimenovtıŋ 90 jasqa toluyna arnalǧan saltanatty keşı ötıp, ziialy qauym ökılderı, memleket jäne qoǧam qairatkerlerı, aqyn-jazuşylar men öner maitalmandarynyŋ basyn qosty.
Keş şymyldyǧy aqynnyŋ jürekke äserlı öleŋderın oqumen aşylyp, körermen nazaryna Oljas Süleimenovtıŋ öz dauysymen oqylǧan arhivtık beinejazbasy ūsynyldy.
Keş barysynda mereitoi iesıne Qazaqstan jäne şeteldık memleket jäne qoǧam qairatkerlerınen, mädeniet pen ädebiet ökılderınen arnaiy qūttyqtaular joldanyp, aqynnyŋ el ruhaniiatyna sıŋırgen eleulı eŋbegı keŋınen atalyp öttı.
Saltanatty keşte tanymal öner jūldyzdary än şyrqap, aqyndar arnau öleŋderın oqydy. Mereitoilyq keş barysynda Oljas Süleimenovtıŋ şyǧarmaşylyǧy, azamattyq ūstanymy men qoǧamdyq qyzmetı keŋınen därıpteldı.
Sonymen qatar, bügın Oljas Süleimenovke Almaty qalasynyŋ äkımı Darhan Satybaldy Memleket basşysy atynan qūttyqtau hat tabystady.
Oljas Süleimenov – qazaq ädebietı men mädenietınıŋ damuyna ölşeusız üles qosqan körnektı tūlǧa. Onyŋ şyǧarmalary ūlttyq ruhaniiattyŋ altyn qoryna enıp, bırneşe buyn oqyrmannyŋ ruhani tärbiesıne yqpal ettı. Aqynnyŋ qoǧamdyq jäne halyqaralyq deŋgeidegı qyzmetı de el tarihynda airyqşa oryn alady.
