Audanda auqymdy respublikalyq «Taza Qazaqstan» aksiiasyn jüzege asyru jalǧasuda. Kezektı abattandyru şarasy «Tuǧan eldıŋ tazalyǧy – eldıŋ abyroiy» atauymen öttı. Zerendı auylyndaǧy Vostochnaia köşesın tazalau jäne kögaldandyru jūmystaryna 250-den astam adam qatysty. Olardyŋ qatarynda bilık ökılderı, deputattar, erıktıler jäne jergılıktı tūrǧyndar bar.
Künnıŋ basty oqiǧasyna ainalǧan şara barysynda 100-den astam jas aǧaş köşetterı otyrǧyzyldy. Sonymen qatar qatysuşylar aumaqty sanitarlyq tazalaudan ötkızıp, qoǧamdyq oryndardy retke keltıru jūmystaryn jürgızdı.
«Taza Qazaqstan» — būl bır rettık aksiia ǧana emes, tuǧan jerge degen şynaiy janaşyrlyqtyŋ körınısı. Tazalyq ärqaisymyzdan bastalady: taza aula men taza köşe — barlyǧymyzǧa ortaq mındet. Osyndai ıske köptegen jerlesterımızdıŋ belsendı atsalysyp jatqany quantady», — dedı Zerendı audanynyŋ äkımı Äset Qūrmanǧojin.
Is-şaraǧa audan aqsaqaldarynyŋ qatysuy da erekşe män berdı. Olar bırlesken eŋbektı jas ūrpaqty tärbieleudıŋ maŋyzdy tetıgı retınde baǧalady.
«Tabiǧatqa janaşyrlyqpen qarau — jas erekşelıgıne qaramastan barlyǧymyzdy bırıktıretın ortaq paryz. Osyndai igı ıster jastardy tuǧan jerdı sözben emes, naqty ıspen qadırleuge tärbieleidı», — dep pıkır bıldırdı Biler keŋesınıŋ töraǧasy Serık Baimurzin.
Şara blogerler men belsendılerdıŋ qoldauymen äleumettık jelılerde keŋınen nasihattaldy. Audan äkımdıgınde abattandyru jūmystary aldaǧy uaqytta da tūraqty türde jalǧasyp, tazalyq pen tärtıp qaǧidattary öŋırdıŋ ärbır tūrǧyny üşın kündelıktı ömır saltyna ainalatynyn atap öttı.
