Astrahan audanynda jyldyŋ alǧaşqy tört aiyndaǧy äleumettık-ekonomikalyq damu körsetkışı aitarlyqtai artqan. Būl turaly audan äkımı brifing barysynda mälım ettı, dep habarlaidy Öŋırlık kommunikasiialar qyzmetınen.
Biyl audan önerkäsıbı 1909,6 mln teŋgenıŋ önımın öndırıp, naqty kölem indeksı (NKİ) 123% qūrady. Būl körsetkış audan käsıporyndarynyŋ tolyq jüktememen jūmys ısteuınıŋ nätijesı. Atap aitqanda, «Millhauz» JŞS ūn men kebek öndırısın, «AZAM KC» JŞS astyq keptıru jabdyqtaryn şyǧarudy ūlǧaitqan.
İnvestisiialyq belsendılık te aitarlyqtai artyp otyr – negızgı kapitalǧa tartylǧan investisiia kölemı 2,6 mlrd teŋgeden asty, būl ötken jyldyŋ säikes kezeŋımen salystyrǧanda ekı eseden köp.
«Auyl şaruaşylyǧy önımderınıŋ jalpy kölemı 2290,9 mln teŋgenı qūrap, ötken jylmen salystyrǧanda tömendegenımen, naqty kölem indeksı 104,2%-dy körsettı. Būl – öndırıs kölemınıŋ qysqaruyna qaramastan, önım qūrylymynyŋ tiımdılıgın saqtap qalǧanyn bıldıredı. Audan boiynşa jazdyq egıs kölemı 390,5 myŋ gektarǧa jetken», dedı spiker.
Qūrylys jūmystarynyŋ kölemı 683,7 mln teŋgenı qūrap, NKİ 444,9%-ǧa jettı. Bölşek sauda ainalymy 2054,3 mln teŋgenı qūrap, 135,8% ösım körsetken.
Audanda tırkelgen käsıpkerlık subektılerınıŋ sany 1319 bırlıkke jetse, onyŋ ışınde belsendı jūmys ısteitınderı – 1227. Ötken jyly 3 ırı investisiialyq joba jüzege asyrylyp, 29 jaŋa jūmys orny aşyldy.
Köktemgı qar suynyŋ äserınen Koluton, Iаgodnoe jäne Jaŋa-Tūrmys auyldaryndaǧy bırneşe üi su astynda qaldy. Audan aumaǧynda jergılıktı sipattaǧy tötenşe jaǧdai jariialanyp, 62 tūrǧynǧa jalpy somasy 255,2 mln teŋge kölemınde kömek körsetıldı.
«Öŋırlerdı damytudyŋ ūlttyq jobasy aiasynda bırqatar eldı mekenderde su qūbyrlary men tazartu qondyrǧylary salynyp jatyr. Staryi Koluton auylynda 339 mln teŋgege därıgerlık ambulatoriia qūrylysy aiaqtaluda», dep qosty audan äkımı Talǧat Erseiıtov.
Audanda medisina salasynda kadr tapşylyǧy baiqalady. 7 därıger jetıspeidı. Būl mäselenı şeşu üşın 5 student audan äkımınıŋ grantymen medisina universitetınde bılım aluda.
Audanda 31 mektepte 3391 oquşy bılım alady. Degenmen, matematika, qazaq tılı men ädebietı, aǧylşyn tılı pänderı boiynşa mūǧalım tapşylyǧy ötkır tūr. Kamyşenka men Jaŋa-Tūrmys auyldaryndaǧy mektepterde kürdelı jöndeu jürgızılude.
Jūmyspen qamtu baǧytynda biyl 176 adam jūmysqa ornalastyrylǧan. Jūmyssyzdyq deŋgeiı – 1,8%.
Novocherkassk auylynda sport zaly bar jaŋa Mädeniet üiınıŋ qūrylysy bastaldy. Joba qūny – 1,2 mlrd teŋge. Sonymen qatar Pervomai auylynda da mädeniet nysany salynuda.
Qorytyndylai kele, audan äkımı Talǧat Erseiıtov el Prezidentı qoiǧan 2029 jylǧa deiıngı ekonomikalyq maqsattarǧa jetu üşın audan jüielı türde jūmys jürgızıp jatqanyn atap öttı.
