Reseı prezıdenti Vladımır Pýtın Qyrymdy nege tartyp alǵanyn ashyq aıtty. Bul týraly ol Andreı Kondrashovtyń «Krym. Pýt na Rodıný» derekti fılminde baıandaǵan. Fılm «Rossııa 24» arnasynan kórsetilgen edi.
Reseı prezıdentiniń sózinshe, Qyrymdy Reseıge qosýdaǵy basty maqsat Ýkraınanyń Donbass aımaǵyndaǵydaı qantógistiń aldyn-alý úshin iske asqan. Referendýmnyń maqsaty azamattarǵa óz oıyn erkin bildirýge múmkindik berý ekendigin de aıta ketken.
«Qyrym máselesinde biz Donbasstaǵydaı qaıǵyly oqıǵalar oryn almaýy úshin qatań da jyldam sheshim qabyldadyq. Dál Donbasstaǵydaı qasiretti oqıǵalardyń qaıtalanýyna jol bermeý maqsatynda biz Qyrym turǵyndarynyń oılaryn erkin bildirýin qamtamasyz etý úshin qajetti áreketterdi jasaýǵa májbúr boldyq», — dedi ol.
Ashat QASENǴALI,
"Adyrna" aqparattyq portaly
