Qazaqstandyq Nūrǧali Nūǧmannyŋ äleumettık jelıdegı mälımdemesınen keiın Almaty polisiiasy kämeletke tolmaǧan balaǧa qatysty zorlyq-zombylyq boluy mümkın degen derek boiynşa tekseru bastady, dep habarlaidy "Adyrna" ūlttyq portaly.
Almaty qalalyq polisiia departamentınıŋ baspasöz qyzmetı habarlaǧandai, äleumettık jelılerde taraǧan beineündeu belgılengen tärtıppen tırkelıp, prosessualdyq tekseru qolǧa alynǧan.
"Qazırgı uaqytta jariialanymda körsetılgen barlyq män-jailardy, sondai-aq oqiǧanyŋ yqtimal qatysuşylary men kuägerlerın anyqtauǧa baǧyttalǧan ıs-şaralar keşenı jürgızılude. Balalarǧa qatysty zorlyq-zombylyq mäselelerı qūqyqtyq baǧasyz qalmaidy jäne erekşe baqylauda bolady", — delıngen polisiia habarlamasynda.
Vedomstvo mälımetınşe, eger körsetılgen faktıler rastalsa, Qazaqstan zaŋnamasyna säikes tiıstı şaralar qabyldanady.
Beinejazbada Nūrǧali Nūǧman akterlık mansabynyŋ basynda özın «köke» dep ataǧan adamnyŋ tarapynan bala kezınde zorlyq-zombylyq körgenın aitqan. Onyŋ sözınşe, oqiǧa turaly ata-anasyna nemese özgelerge habarlaǧan jaǧdaida kino salasyna jolyn jabatyny jönınde qorqytu bolǧan.
Osy jaǧdaiǧa bailanysty Balapan telearnasy da resmi mälımdeme jasady.
Arna taratqan aqparatqa säikes, 2010 jyly aşylǧan telearna ştatynda atalǧan kezeŋde er adam «prodiuser» qyzmetın atqarmaǧan.
Sonymen qatar arna mälımetınşe, keiın Nūrǧali Nūǧman jaŋa beinejazba jariialap, söz bolǧan oqiǧanyŋ Balapan telearnasyna emes, kommersiialyq jobaǧa qatysty ekenın naqtylaǧan jäne arna ūjymynan keşırım sūraǧan.
