Germaniiada ız-tüssız joǧalyp ketken qazaqstandyq äiel ölı küiınde tabyldy. Būl turaly Syrtqy ıster ministrlıgı mälımdedı, dep habarlaidy “Adyrna” ūlttyq portaly.
Qazaqstannyŋ Syrtqy ıster ministrlıgı 16 mausymda Germaniianyŋ Benshaim qalasynyŋ maŋynda äieldıŋ mäiıtı tabylǧanyn habarlady. Sot sarapşylary saraptama jürgızedı. Poliseilerdıŋ auyzşa aldyn ala mälımetı men mäiıttıŋ syrtqy belgılerı boiynşa tabylǧan dene Aigül Sailybaevaǧa tiesılı.
«Qazırgı uaqytta marqūmnyŋ tuystary Germaniiada jäne olarǧa barlyq qajettı konsuldyq-qūqyqtyq kömek körsetılude. Germaniianyŋ qūqyq qorǧau organdary tergeu jürgızıp jatyr. Būl ıske qatysty basqa aqparat tergeu müddesı üşın jariialanbaidy», - delıngen SIM habarlamasynda.
Aita keteiık, Aigül Sailybaeva – būryn Astana qalasy Saryarqa audanynyŋ sudiasy bolyp qyzmet etken, sondai-aq ol «Bolaşaq» baǧdarlamasynyŋ tülegı. 1984 jyly tuǧan Qazaqstan azamaty 2019 jyldan berı küieuı Aleksandrmen bırge Frankfurtten 40 şaqyrym jerdegı Benshaim qalasynda tūryp jatqan. Tuystary Aigüldıŋ otbasynan jäbır körıp jürgenı jaily tıs jarmaǧanyn, tek dostaryna ǧana baiandaǧanyn aitady. Olar 5 mausymda Frankfurt qalasyndaǧy Qazaqstannyŋ bas konsuldyǧyna 2024 jylǧy 3 mausymda qyzynyŋ joǧalyp ketkenın aityp aryz tüsırgen.Ūqsas jaŋalyqtar
