Jezqazǵan qalasynyń ákimshilik quqyq buzýshylyqtar jónindegi mamandandyrylǵan soty 2024 jyldyń 12 qyrkúıeginde Qazaqstan Respýblıkasynyń Ákimshilik quqyq buzýshylyq týraly Kodeksiniń 453-babynyń 2-bóligine sáıkes, azamat «S» dinı arazdyqty qozdyratyn materıaldardy áleýmettik jelide jarııalaǵany úshin ákimshilik jaýapkershilikke tartty.
Sot otyrysynda anyqtalǵandaı, azamat «S» óziniń «VKontakte» áleýmettik jelisindegi jeke paraqshasynda Nazratýllah abý Marıamnyń «Mýhammed bın Abý al-Vahabbtyń trı osnovy» kitabyn ornalastyrǵan.
Bul kitap 2014 jyly ekstremıstik dep tanylyp, Qazaqstan aýmaǵynda tyıym salynǵan. Alaıda, azamat «S» mundaı materıaldardyń tyıym salynǵany týraly bilmegenin moıyndap, jasaǵan áreketine ókinish bildirdi.
Sot tarapynan azamattyń kinásin moıyndaýy men ókinýi jaýaptylyǵyn jeńildetetin mán-jaıretinde qaraldy, jaýaptylyqty aýyrlatatyn mán-jaılar anyqtalmady.
Sot azamat «S»-ny kináli dep tanyp, oǵan 73 840 teńge kóleminde aıyppul taǵaıyndady, sondaı-aq zańsyz jarııalanǵan mass-medıa ónimi tárkilendi.
Sot qaýlysy zańdy kúshine endi.
