Foto: president.kg
Qyrǧyzstan prezidentı Sadyr Japarov aqpandaǧy saiasi oqiǧalar, töŋkerıs jasau äreketı boluy mümkın degen boljamdar, arnaiy qyzmettıŋ jūmysy jäne Ūlttyq qauıpsızdık memlekettık komitetınıŋ (ŪQMK) būrynǧy basşysy Qamşybek Täşievtıŋ tuystaryna qatysty rezonanstyq qylmystyq ıster turaly sūraqtarǧa pıkır bıldırdı, dep habarlaidy “Adyrna”.
Ūzaq uaqyttan keiın alǧaş ret ol memlekettık emes BAQ-tyŋ sūraqtaryna jauap berdı.
Japarovtyŋ aituynşa, qoǧamda töŋkerıs jasau äreketı dep atalǧan aqpan oqiǧalary bastapqy kezden-aq onyŋ baqylauynda bolǧan. «75 adamnyŋ haty» dep atalǧan jaǧdai boiynşa aqparat özıne erte jetkenın aityp, ol būl hattyŋ parlamenttegı barlyq kezeŋın, plenarlyq otyrysqa deiın qadaǧalap otyrǧanyn jetkızdı. Sol oqiǧalardan keiın mandatynan bas tartqan deputattar «öz kınäsın tüsındı» dep mälımdedı.
Būrynǧy ŪQK töraǧasy Qamşybek Täşievtıŋ yqtimal qatysy turaly sūraqqa prezident naqty jauap bermei, tergeu aiaqtalmaǧanyn aitty. Al Täşievtıŋ aǧasy, deputat Şaiyrbek qazır qamauda. Tergeu derekterıne säikes, ol «Kyrgyzneftegaz» käsıpornyndaǧy jemqorlyq shemasyna qatysyp, memleketke 4 milliard somnan astam şyǧyn keltırgen. Prezident onyŋ tek keltırılgen şyǧyn tolyq ötelgen jaǧdaida ǧana bostandyqqa şyǧuy mümkın ekenın atap öttı.
Japarovqa qatysty taǧy bır talqylanǧan taqyryp — onyŋ kışı ūly Nurdoolottyŋ kriptovaliuta milliarderı Djastin Sanmen bırge Ala-Archa rezidensiiasynda boluy. Prezident ūlynyŋ tek aǧylşyn tılın jaqsy bıletındıkten audarmaşy retınde qatysqanyn, memlekettık ısterge aralaspaitynyn jäne biznes jürgızbeitının aitty.
Sondai-aq prezidenttıŋ bauyry Sabyrdyŋ altynmen bailanysty fotolary turaly aqparatty «100 paiyz jalǧan» dep joqqa şyǧaryp, onyŋ Türkiiadaǧy altyn öŋdeu zauytynda jai ǧana suretke tüskenın tüsındırdı.
Japarov Mäskeuge jasaǧan soŋǧy sapary turaly da aitty. Onyŋ sözınşe, Resei prezidentı Vladimir Putinmen kezdesudı özı ūsynǧan. Kezdesu ekı saǧattan astam uaqytqa sozylyp, ekıjaqty maŋyzdy mäseleler boiynşa kelısımderge qol jetkızılgen.
