Qyrǧyzstan prezidentı Sadyr Japarov ŪQMK-nıŋ būrynǧy töraǧasy Qamşybek Täşievtıŋ otstavkaǧa ketuıne qatysty taǧy da pıkır bıldırdı, - dep habarlaidy "Adyrna" portaly 24.kg-ǧa sılteme jasap.
Aqparatqa säikes, Sadyr Japarov Qamşybek Täşievpen qyzmetınen ketkennen keiın jeke kezdesken.
"Dos bolyp qala beremız. Bıraq ol memlekettık qyzmetke qaityp oralmaidy, demalyp, densaulyǧyn qarauy kerek", - dedı Sadyr Japarov.
Sadyr Japarov kadrlyq şeşımderdı özı qabyldaǧanyn, būl qandai da bır syrtqy qysymmen bailanysty emes ekenın mälımdedı. Ol qūqyq qorǧau jüiesınde josparlanǧan reformalar jalǧasatynyn aitty.
Eske salsaq,10 aqpanda Qamşybek Täşievtıŋ Qyrǧyzstan Ministrler kabinetınıŋ töraǧasynyŋ orynbasary – Ūlttyq qauıpsızdık memlekettık komitetınıŋ (ŪQMK) töraǧasy qyzmetınen bosatylǧany belgılı boldy. Tiıstı jarlyqqa respublika prezidentı Sadyr Japarov qol qoiǧan.
Qyrǧyzstan prezidentınıŋ baspasöz qyzmetınıŋ habarlauynşa, Sadyr Japarov "būl qadamnyŋ basty maqsaty - memlekettıŋ bırlıgın nyǧaitu jäne qoǧamda, sonyŋ ışınde memlekettık qūrylymdar arasynda da, jıkke bölınudıŋ aldyn alu" ekenın aitqan.
Alaida keiınırek prezidenttıŋ baspasöz hatşysy şielenıstı Täşiev emes, onyŋ jaqyn ainalasyndaǧy adamdar tuǧyzǧanyn habarlady. Olar deputattarǧa qoŋyrau şalyp, "generaldyŋ jaǧyna şyǧuǧa" jäne "prezidenttıŋ jaŋa sailauyn bastamalauǧa" ügıttegen.
