Almaty qalasynda JUZ40 EdTech kompaniiasy ūiymdastyrǧan respublikalyq olimpiada sättı aiaqtaldy. 24–27 nauryz aralyǧynda ötken finalǧa elımızdıŋ barlyq öŋırınen ırıktelıp şyqqan 100 üzdık oquşy qatysty. Olimpiadaǧa qatysu tolyq tegın - barlyq şyǧyndy JUZ40 kompaniiasy öz moinyna aldy.
Olimpiada turaly
Irıkteu kezeŋı 9–21 aqpan aralyǧynda onlain formatta ötıp, oǧan Qazaqstannyŋ barlyq oblystary men respublikalyq maŋyzy bar qalalarynan 10 myŋnan astam oquşy qatysty. Qatysuşylar matematikalyq sauattylyq, oqu sauattylyǧy, Qazaqstan tarihy jäne beiındık pänder boiynşa test tapsyrdy. Irıkteu qorytyndysy boiynşa eŋ joǧary nätije körsetken 100 oquşy Almatydaǧy finalǧa joldama aldy.
Final baǧdarlamasy
Üş künge sozylǧan final testıleumen şektelmedı. Aşylu saltanaty SDU universitetınde, jabylu jäne marapattau räsımı NURORDA mektep-liseiınde öttı. Baǧdarlama aiasynda oquşylar joǧary oqu oryndaryna kampus-tur jasap, bolaşaq mamandyǧy turaly baǧdar aldy. Finalisterge üş kün boiy jatyn oryn, tamaqtanu jäne qauıpsızdık tolyq qamtamasyz etıldı.
Jeŋımpazdar
Olimpiadanyŋ jülde qory 2 million teŋgeden asty:
● 1-oryn — Temirhanova Aigerim, Maŋǧystau oblysy — 1 000 000 teŋge,
● 2-oryn — Amanjol Aitbai, Qyzylorda oblysy — 700 000 teŋge
● 3-oryn — Sapargalieva Daiana, Soltüstık Qazaqstan oblysy — 500 000 teŋge
Jeŋımpazdarǧa jäne pändık kombinasiialar boiynşa eŋ joǧary nätije körsetken qatysuşylarǧa JUZ40 ortalyǧynda 100% tegın oqu mümkındıgı berıldı. Qalǧan finalisterge 50%, 30% jäne 20% kölemınde oqu jeŋıldıkterı ūsynyldy.
Kompaniia basşysynyŋ pıkırı
«10 myŋnan astam oquşynyŋ ışınen ırıktelıp şyqqan 100 finalist üş kün boiy bılımın, tözımdılıgın jäne erık-jıgerın körsettı. JUZ40 segız jyl boiy 180 myŋnan astam oquşymen jūmys jasady, osyndai daryndardy körgen saiyn taŋdaǧan jolymyzdyŋ dūrys ekenıne közımız jetedı. Bızdıŋ maqsatymyz - qarjylyq mümkındıgıne qaramastan, ärbır daryndy oquşyǧa jol aşu. Būl olimpiada aldaǧy uaqytta da jyl saiyn dästürlı türde jalǧasady», - dedı JUZ40 EdTech kompaniiasynyŋ negızın qalauşy Musaeva Jūldyzai.
Jūldyzai Musaeva, JUZ40 EdTech kompaniiasynyŋ negızın qalauşy
Maman pıkırı
«Olimpiada oquşylar üşın tek bılımın tekseru emes, akademiialyq jolyndaǧy alǧaşqy ülken qadamy boldy. Finalister beiındık pändermen qatar negızgı pänderge de daiyndalu qajettıgın tereŋ tüsındı. Jeŋımpazdardy şyn jürekten qūttyqtaimyz», - dedı JUZ40 kompaniiasynyŋ matematikalyq sauattylyq pänınıŋ jetekşı mūǧalımı Dulat Mūratov.
