AQSh-ta 13 jasar mektep oqýshysy 66 qurby-qurdasynyń ómirin saqtap qaldy. Bala batyr kenetten keýdesi qysylyp, talyp qalǵan avtobýs júrgizýshisiniń ornyn almastyrǵan. Qaterli tusta tizgindi óz qolyna alyp, jasyna qaramaı jankeshti áreketke barǵan, dep habarlaıdy "Adyrna" ulttyq portaly Mirror-ǵa silteme kórsete otyryp.
Mektep avtobýsyna mingen oqýshylardyń basyna túsken qaterge tosqaýyl bolyp, olardy aman alyp qalǵan 13 jasar bala batyr jalpaq jurttyń alǵysyna bólendi. Onyń esim-coıy - Dıllon Rıvz. Mıchıgan shtatynyń turǵyny. Onyń aqylǵa salap áreket etken beınesi qurylǵy kamerasyna taspalanyp qalǵan.
Dıllon júrgizýshiniń talyqsyp bara jatqanyn kórip, rýlge birden jarmasady. Avtobýsty toqtatyp, apattyń aldyn alady.
Oqıǵa barysyn zerttegen polıııa mamandary Dıllonnyń áreketin erlik dep sanap, mektep ákimshiligine alǵys hat joldady:
- Nebári jetinshi synyp oqıtyn oıy júırik, qımyly shıraq batyr qıyn sátte avtobýstyń tizginin ustap, zalalsyz toqtaýyna muryndyq boldy. Judyryqtaı júregimen úlken erlikke barǵan mektep oqýshysynyń áreketi barshamyzǵa úlgi, máńgilik maqtanysh, - dep jazylǵan alǵys hatta.
Varren qalasynyń polıııa qyzmetkerleri saltanatty jıyn uıypdastyryp, Dılon jáne onyń otbasyna alǵys bildirdi. Bala batyrdyń arqasynan qaqty.
Avtobýs júrgizýshisiniń nelikten mundaı qıyn jaǵdaıda qalǵany ázirge belgisiz, ashyq aıtylǵan joq.
"Adyrna" ulttyq portaly
