Nūrjan Nūrjıgıtov – jaŋa ükımetke eskı ükımet qūramynan jetken äkım. Onyŋ Jambyl oblysynyŋ basşysy bolyp taǧaiyndalǧanyna bır jyldan asyp barady. Ükımet üiı dälızınde Adyrna.kz tılşısı aimaqta qalyptasqan jaǧdai jäne äkımnıŋ synǧa ūşyraǧan äreketterı turaly şaǧyn sūhbat aluǧa tyrysty.
AIMAQTAǦY EŊBEK DAUY TURALY
– Sız Jambylǧa äkım bolyp kelgelı Äulietada bırneşe eŋbek dauy boldy. Mūny sız nemen bailanystyrasyz? Jalpy ereuılşılerdıŋ aldyna özıŋız nege şyqpadyŋyz? – Bızde köbınese eŋbek dauy «Qazfosfat» mekemesınde bolyp jatyr. Al endı ol käsıporyndaǧy jūmystarǧa bailanysty. Sondyqtan käsıporyndar ol mäselenı özderı şeşıp jatyr. – Soŋǧy Jaŋatasta bolǧan narazylyq qalai şeşıldı? – Aldaǧy 10 kün ışınde «Qazfosfat» JŞS basşylary tarapynan būl mäselege bailanysty şeşım aitylady. Qazırgı kezde komissiia qūrylyp, jūmysşylar tarapynan 10 adam jūmys ıstep jatyr. Aldaǧy uaqytta şeşım şyǧarylatyn bolady.PREMERMEN BÖLE EMES...
– Äleumettık jelıde «Nūrjıgıtov Jualydan şyqqan öz jerlesterın basşylyq qyzmetke taǧaiyndap jatyr» degen syn jiı aitylady. Jerlesterıŋızdı basşylyqqa taǧaiyndau arqyly jūmysta olqylyq ketıp jatqan joq pa? – Jualy audanynan köp adam taǧaiyndalyp jatqan joq. – Mysaly oblys äkımınıŋ apparat basşysy Mäten Mädi Jualy audanynan eken.. – Sol bır-aq adam şyǧar apparat basşysy bolǧan. Bügıngı künı bükıl audandardyŋ azamattary memlekettık qyzmetke taǧaiyndalyp jatyr. – Äleumettık jelıde sızdıŋ küieu balaŋyz delıngen Sūltan Marat Qordai audany sport bölımıne basşy boldy degen aqparat şyqty. Küieu balaŋyz ekenı ras pa? – İä, küieu balam. Men oblys äkımı bolǧanǧa deiın-aq ol menıŋ küieu balam bolyp ülgergen. Ol azamat Qordai audanynda maǧan deiın de jūmys ıstep jürgen bolatyn. – Küieu balaŋyzdyŋ audanda bölım basşysy boluy qaişylyq tudyrmai ma? – Memlekettık qyzmet turaly zaŋda eşqandai qaişylyq joq. – Audan äkımı bölım basşysy kemşılık jıberse sögıs bere ala ma? – Mūnyŋ bärı memlekettık qyzmet turaly zaŋda körsetılgen. – Osydan keiın küieu balaŋyzdy qyzmetten alyp tastaisyz ba? (Sūraqty esti sala äkım sytylyp ketuge tyrysty) Nūrjıgıtov myrza, nege sūraqqa toqtap jauap bermeisız? – Men aityp otyrmyn ǧoi, memlekettık qyzmet turaly zaŋda bärı körsetılgen. Özınıŋ käsıbi qyzmetı men täjıribesıne bailanysty kım qandai qyzmetke taǧaiyndalatyny jazylǧan. – Sızdı Ükımet basşysy Älihan Smaiylovtyŋ bölesı desedı. Būl aqparat ras pa? – Bız böle emespız...ÄKIM JŪMYSYN ÜKIMET BAǦALAIDY DEIDI. HALYQ ŞE?..
– Al jerlesterıŋız «Nūrjıgıtov oblysty dūrys basqara almai jatyr» dep synaidy... – Oǧan endı memleket basşysy men ükımet baǧa beredı. – Öz jūmysyŋyzǧa köŋılıŋız tola ma? – Memleket basşysy men ükımet tarapynan kım qalai jūmys ıstep jatqanyna bailanysty baǧa berıledı. Memleket basşysy är azamat özınıŋ jauapkerşılıgın sezınu kerek dep aitty ǧoi. – Prezident äkımderdıŋ köşege şyǧyp, el ışın jaiau aralau keregın aitty. Sızdı köşeden körmek tügılı kabinetıŋızden ızdep tappai ketken kezder boldy... – Men byltyr 35 auyldyq okrugqa bardym. Bügıngı künı 20-dan astam auyldyq okrugqa baryp, auyl tūrǧyndarymen kezdestım. Osy jyldyŋ aiaǧyna deiın 60 juyq auyldyq okrugke baryp, tūrǧyndarmen kezdesemız. Būl turaly memleket basşysy tapsyrma bergen. Mındettı türde tūrǧyndarmen kezdesıp jürmız. Köptegen mäsele baqylauǧa alynyp, sol jerde şeşılıp jatyr. – Sızdıŋ astanaǧa sözıŋız öte me? - – Ony jūmys körsetedı... (Sūraqty estıgen äkım sol jerden taǧy da sytylyp şyǧuǧa tyrysty)Serık Joldasbai
"Adyrna" ūlttyq portaly
Ūqsas jaŋalyqtar
