“Beu fest” 2023 mýzykalyq festıvali Almatyda qaıtadan ótedi”, dep habarlaıdy “Adyrna”.
Almatylyqtar jyldyń eń úlken mýzykalyq oqıǵalarynyń birin asyǵa kútýde. Jyl saıynǵy dástúrge aınalǵan “Beu fest” festıvali bıyl 24 maýsymǵa josparlanyp otyr ári Qazaqstan turǵyndary men qonaqtarynyń nazaryn aýdarady. Atalmysh sharanyń uıymdastyrýshylary óz aýdıtorııasyn saǵyna kúttirip, umytylmas áser qaldyrýǵa ýáde berýde. Bıylǵy jyly uıymdastyrýshylar Amalyat, Dakelot, Dosekesh, Kilemger, Merey jáne taǵy basqa ár túrli janrlarda án aıtatyn jas oryndaýshylardy qoldaýǵa sheshim qabyldaǵan. Bul Beuradıosynyń tujyrymdamasyna basynan bastap engizilgeni aıtyldy. Uıymdastyrýshylardyń sózinshe, festıvaldiń jáne radıonyń ıdeıasy bir - qazaqtildi aýdıtorııa úshin suranysqa ıe júz paıyz otandyq medıa ónim. Festıval qatysýshylarynyń arasynda kórermenderdiń súıikti juldyzdary: Ninety One, Mıras Jýgýnýsov, Dequine, Akha, Qazybek Quraıysh, Sadraddin, Kenjebek, Ayree, ALPHA, Ayafunk, Ayau, Rusha, Taspay, Mona Songz, Orynkhan, Duman Marat, ONTOĞYZONEKI sııaqty ártister, sondaı-aq bizdiń festıvalimizdiń arnaıy qonaǵy Koreıadan kelgen SongWon Sub bolady.
