Foto: facebook.com/BagdatMussin
Qazaqtelekom Kaspii teŋızı arqyly ötetın jaŋa talşyqty-optikalyq bailanys jelısıne arnalǧan kabeldıŋ daiyn ekenın habarlady. Joba aiasynda Aqtau men Sumgait qalalaryn jalǧaityn suasty internet jelısı 2026 jyly ıske qosyluy mümkın.
Kompaniia mälımetınşe, suasty kabelı 2026 jyldyŋ säuır-mausym ailarynda Kaspii jaǧalauyna jetkızıledı. Al teŋız tübıne töseu jūmystary jaz mezgılınde bastalady.
Kaspii talşyqty-optikalyq bailanys jelısı AzerTelecom kompaniiasymen bırlesıp jüzege asyrylyp jatyr. Jobanyŋ teŋızdık jäne qūrlyqtyq zertteu jūmystary tolyq aiaqtalǧan, al kabel öndırılıp, jöneltılgen.
Jobanyŋ negızgı maqsaty — Qazaqstan men Äzerbaijan arasyndaǧy sifrlyq bailanysty küşeitıp, internet ötkızu qabıletın arttyru.
Sonymen qatar kompaniia auyl-aimaqtardy internetpen qamtu baǧytyndaǧy jūmystar turaly da mälımet berdı. “Tazartu”, “Sapa+” jäne “Auyl Online” jobalary arqyly 630 myŋ otbasy joǧary jyldamdyqty internetke qosylǧan. 2027 jylǧa deiın 1 millionnan astam auyl tūrǧyny, 1941 mektep jäne 2905 memlekettık mekeme internetke qosylmaq.
Kaspii tübımen kabel töseu jobasy alǧaş ret 2019 jyly bastalǧan. Bastapqy jospar boiynşa ol 2021 jyly aiaqtaluy tiıs edı, alaida türlı sebeptermen merzımı bırneşe ret özgertılgen. Qazır joba qaita jandanyp, kezeŋ-kezeŋımen ıske asyrylyp jatyr.
