Aqtaý mańynda apatqa ushyraǵan Embraer ushaǵynyń qara jáshikteriniń derekteri taldanyp, Qazaqstanǵa jiberildi. Bul týraly Globo jarııalady, dep habarlaıdy “Adyrna” ulttyq portaly.
Aqparatqa sáıkes, taldaý avıaııalyq oqıǵalardy tergeý jáne aldyn alý ortalyǵynda (CENIPA) júrgizildi. Derekterdi Brazılııadan kelgen úsh tergeýshi, sondaı-aq Ázirbaıjan men Reseı ókilderi taldady.
«Aqparat oqıǵany taldaýǵa jáne tergeýge jaýapty qazaqstandyq vedomstvoǵa jiberildi jáne avıaııalyq oqıǵa týraly qorytyndy esepte jarııalanatyn bolady», dep jazdy basylym.
Eske salsaq, 25 jeltoqsanda Azerbaijan Airlines avıakompanııasynyń ushaǵy apatqa ushyrap, 38 adam qaza tapqan bolatyn.
