«Qorǧas» aimaǧyndaǧy «Nūr Joly» ötkızu punktı men «Altynköl» stansysy – elımızdıŋ oŋtüstık-şyǧys şekarasy maŋyndaǧy basty kölık toraptary. Qazırgı uaqytta mūnda ötkızu qabıletın arttyru jäne sifrlandyru baǧytynda qarqyndy jūmys jürgızılude.
«Nūr Joly» keden beketı basşysynyŋ orynbasary Serık Däukenovtıŋ aituynşa, jūmys tiımdılıgın arttyru üşın «Nūr Joly» ötkızu punktınde CarGoRuqsat elektrondyq kezek jüiesı engızılgen. Punkttıŋ özı 2023 jyldyŋ tamyz aiynan berı täulık boiǧy jūmys rejimıne köşken. Sondai-aq biyl punkt aumaǧynda ırı gabarittı kölıkterge arnalǧan ūzyndyǧy 2,4 şaqyrym ainalma joldyŋ qūrylysy aiaqtaldy. Sonyŋ nätijesınde infraqūrylymǧa tüsetın jükteme 40-45% azaiyp, qyzmet körsetıletın kölıkter sany artty.
– Mūnda 12 inspeksiialyq tekseru keşenı, radiasiialyq baqylaudy tekseretın 21 qondyrǧy bar. Keden beketınıŋ ötkızu qabıletı jyldan jylǧa ösıp keledı. Mäselen 2024 jyly ekı jaq baǧytta 439 myŋ jük kölıgın ötkızsek, byltyr körsetkış 542 myŋǧa jettı, – dedı S. Däukenov.
Sonymen qatar keden beketı aumaǧynda belgiialyq «Sarens» kompaniiasynyŋ qoima keşenı men jaŋa ainalma jol salu jobasy ıske asyryluda. «Nūr Jolynyŋ» ötkızu qabıletın arttyru üşın jinaqtau alaŋdary men jol boiyndaǧy infraqūrylymdy damytu jūmystary jürgızılude. Halyqaralyq avtovokzal qūrylysyn qosa alǧanda, 15 myŋǧa deiın avtokölıktı ornalastyruǧa mümkındık beretın tört investisiialyq joba ıske asyrylyp jatyr.
Şekaralyq aimaqtaǧy negızgı temırjol toraby – «Altynköl» stansysynda 6 keŋ joldan tūratyn jaŋa eksporttyq parktıŋ qūrylysy aiaqtaldy. Stansy beketınıŋ bastyǧy Daniiar Nūrqasymovtyŋ aituynşa, mūnda ūzyndyǧy 294 şaqyrym bolatyn «Altynköl-Jetıgen» uchaskesın jaŋǧyrtu jobasy ıske asyryluda.
– Stansy basynda sūryptau jüiesı jäne keŋ tabandy jolǧa qosymşa joldar salynady. Tar tabandy jolǧa qosymşa taǧy 4 jol qosylady. Joba aiaqtalǧannan keiın temırjol baǧytynyŋ ötkızu qabıletı täulıgıne 18-den 33 jūp poiyzǧa deiın artady, – dedı Daniiar Nūrqasymov.
Memleket basşysynyŋ tapsyrmasyna säikes kölık logistikasy infraqūrylymdyq deŋgeiden ekonomikalyq deŋgeige kezeŋ-kezeŋımen köşırılıp, sonyŋ nätijesınde «Nūr Joly» keden beketı men «Altynköl» stansysyndaǧy avtomobil jäne temırjol joldarynyŋ ötkızu qabıletı arttyryldy, jük jäne jolauşylar tasymaly kölemı artyp, kırıster ūlǧaiuda.
Atap ötsek, soŋǧy 4 jylda «Nūr Joly» avtomobil ötkızu punktınen ekı tarapqa ötken kölık qūraldarynyŋ sany 99 myŋ bırlıkten (2022 jyl) 542 myŋ bırlıkke (2025 jyl) deiın, iaǧni 5,5 esege ösken.
