Bügın, 14 mausymda būrynǧy QazKSR densaulyq saqtau ministrı, Qazaqstannyŋ eŋbek sıŋırgen qairatkerı Talapqali Izmūhambetov qaitys boldy. Būl turaly Densaulyq saqtau ministrlıgı mälımdedı, dep habarlaidy “Adyrna” ūlttyq portaly.
"Bügın elımızdıŋ būrynǧy Densaulyq saqtau ministrı, medisina ǧylymdarynyŋ kandidaty, Qazaqstan Respublikasynyŋ Eŋbek sıŋırgen qyzmetkerı, KSRO densaulyq saqtau üzdıgı, medisina qyzmetkerlerınıŋ köptegen ūrpaqtarynyŋ tälımgerı Talapqali Äbışūly Izmūhambetov qaitys boldy", - delıngen DMS mälımetınde.
Vedoschtva mälımetınşe, Talapqali Äbışūly käsıbi qyzmetın hirurg därıgerden bastaǧan, sodan keiın audandyq ortalyq auruhananyŋ bas därıgerı, Şyǧys Qazaqstan jäne Almaty oblystyq densaulyq saqtau bölımderı meŋgeruşısınıŋ orynbasary jäne meŋgeruşısı bolyp jūmys ıstegen. 1987-1990 jyldary Qazaq KSR Densaulyq saqtau ministrı qyzmetın atqardy.
"Medisinalyq qoǧamdastyqtyŋ, köptegen studentterdıŋ, ärıptesterdıŋ esınde ol jarqyn erekşe tūlǧa, öz ısınıŋ ülken entuziasty bolyp qala beredı, ol ūltty sauyqtyru boiynşa bırqatar ırı bastamalardyŋ avtory boldy.
Densaulyq saqtau ministrlıgı Ūly därıgerdıŋ barlyq jaqyndary men tuystaryna qaiǧylaryna ortaqtasyp köŋıl aitady. Talapqali Äbışūlynyŋ baǧa jetpes eŋbekterı, auqymdy ideialary qazaqstandyqtardyŋ köptegen ūrpaqtarynyŋ densaulyǧy üşın qyzmet etetın bolady", - delıngen habarlamada.
Ūqsas jaŋalyqtar
