Almaty oblysynda şekara qyzmetınıŋ äskeri qyzmetkerı qaitys boldy. Būl turaly Ūlttyq qauıpsızdık komitetı Şekara qyzmetınıŋ baspasöz qyzmetı mälımdedı, dep habarlaidy “Adyrna”.
“2025 jylǧy 5 qazanda Almaty oblysy boiynşa departamenttıŋ medisinalyq qamtamasyz etu bölımşesınde QR ŪQK Şekara qyzmetınıŋ qatardaǧy jauynger qaitys boldy. Medisinalyq qyzmetkerlerdıŋ aldyn ala qorytyndysyna säikes, ölımnıŋ sebebı — meningokoksemiia”, — delıngen habarlamada.
Atalǧan faktı boiynşa Almaty qalasy Nauryzbai audanynyŋ polisiia basqarmasynda sotqa deiıngı tergeu tırkeldı. Qyzmettık tekserıs bastaldy.
“Qazaqstan Respublikasy Ūlttyq qauıpsızdık komitetınıŋ Şekara qyzmetı marqūmnyŋ tuystary men jaqyndaryna qaiǧyryp köŋıl aitady”, — delıngen habarlamada.
Ūqsas jaŋalyqtar
