Qazaqstan Respublikasy Parlamentı Senatynyŋ tūŋǧyş töraǧasy bolǧan, belgılı memleket jäne qoǧam qairatkerı Baigeldı Ömırbek dünieden ozdy, dep habarlaidy "Adyrna" ūlttyq portaly.
Senattyŋ resmi Telegram-kanalynda habarlanǧandai, bügın, 3 säuırde Astanada Baigeldı Ömırbek qaitys boldy. Biyl 15 säuırde ol 85 jasqa tolar edı.
Baigeldı Ömırbek Qazaqstan Respublikasy Parlamentı Senatynyŋ tūŋǧyş töraǧasy boldy. Ol būl qyzmettı 1996-1999 jyldar aralyǧynda atqarǧan.
Baigeldı Ömırbek 1939 jyly Jambyl oblysy (QazKSR) Qyzyl Oktiabr auylynda düniege kelgen. Eŋbek jolyn Jambyl oblysy, Jambyl audany, «Qyzyl Oktiabr» kolhozynda jūmysşy bolyp bastaǧan.
1990 jyldary Jambyl oblystyq atqaru komitetınıŋ töraǧasy, Jambyl oblystyq äkımşılıgınıŋ basşysy, Qazaqstan Prezidentınıŋ keŋesşısı boldy.
Parlament Senatynyŋ bırınşı, ekınşı, üşınşı jäne törtınşı şaqyrylymdarynyŋ deputaty boldy. Jalpy, ol Parlament Senatynda 16 jyldan astam qyzmet ettı.
"Qairatkerdıŋ qazasyna bailanysty onyŋ otbasy men jaqyndaryna qaiǧylaryna ortaqtasyp, köŋıl aitamyz. Qoştasu räsımı turaly aqparat qosymşa habarlanady", - delıngen Senat habarlamasynda.
Ömırbek Baigeldınıŋ saiasattan tys, qytai aqyny Li Bonyŋ da joqşysy bolyp, ony "Elıbai" atap maqalalar jazyp, kıtabyn şyǧarǧany belgılı. Ol turaly «Tabylmai kelgen qazyna» atty derektı film de şyǧarylǧan.
Ūqsas jaŋalyqtar
