Öŋırdegı tūrǧyndar men jer uchaskelerınıŋ ielerı 2025 jyl üşın mülık salyǧyn 1 qazanǧa deiın töleuı qajet. Tölem merzımı jäne bereşegı bar azamattarǧa qoldanylatyn şaralar turaly brifingte Aqmola oblysy boiynşa Memlekettık kırıster departamentı basqarmasy basşysynyŋ mındetın atqaruşy Mahambet Nūrlan aitty.
Mülık salyǧyn jeke menşıgınde tūrǧyn üiı, saiajai qūrylystary, garajy, avtotūraǧy jäne basqa da jyljymaityn mülık nysandary, sondai-aq jer uchaskelerı bar jeke tūlǧalar töleidı.
Salyq somasy Salyq kodeksınde belgılengen formulalarǧa säikes salyq bazasy negızınde esepteledı.
«Biyl qazan aiynyŋ basynda jeke tūlǧalardyŋ menşıgındegı jyljymaityn mülık pen jer uchaskelerı üşın 2025 jylǧa eseptelgen mülık salyǧyn töleu merzımı aiaqtalady», – dedı Mahambet Nūrlan.
Salyqty jyljymaityn mülık ornalasqan jer boiynşa töleu qajet. Belgılengen merzımde bereşek ötelmegen jaǧdaida, 2 qazannan bastap zaŋda közdelgen şaralar qoldanylady. Keşıktırılgen är kün üşın ösımpūl esepteledı. Sondai-aq bereşegı bar azamattardyŋ keibır bank operasiialaryna şekteu qoiyluy mümkın.
Eger bereşek mölşerı 1 AEK-ten assa, belgılengen merzım aiaqtalǧannan keiın salyq organy salyq būiryǧyn şyǧarady. Qaryz bes jūmys künı ışınde ötelmegen jaǧdaida, qūjat jeke sot oryndauşysyna berıledı. Būdan keiın banktegı şottar men mülıkke tyiym salynuy, sondai-aq Qazaqstan aumaǧynan şyǧuǧa şekteu qoiyluy mümkın. Sonymen qatar boryşker jeke sot oryndauşysynyŋ qyzmet aqysyn töleuge mındettı.
