Resei joǧary soty jabyq rejimde «Halyqaralyq „Memorial“ qoǧamyn "ekstremistık ūiym" dep tanyp, el aumaǧynda onyŋ qyzmetıne tyiym saldy, dep habarlaidy "Adyrna" ūlttyq portaly.
Būl qozǧalys resmi türde tırkelmegen, al sot şeşımı negızınen 2022 jyly joiylǧan qūrylymdardyŋ ornyna qūrylǧan qūqyq qorǧau ūiymdary men olarmen yntymaqtastyqta jürgenderdı nysanaǧa alady.
Şeşım Resei Federasiiasynyŋ ädılet ministrlıgı ötınışı boiynşa qabyldandy. Sot saitynda naqty kımge jäne ne üşın şaǧym berılgenı körsetılmegen. Alaida baspasöz qyzmetı qozǧalysty ekstremistık dep tanudy maqsat etkenın habarlady.
Sot ısı bırınşı instansiiada qaraldy. Bıraq ekstremistık dep tanylǧan ūiymǧa tyiym zaŋ boiynşa dereu küşıne enedı. Al sot şeşımıne şaǧym beretınderge qatysty jauapkerşılık apelliasiiadan keiın, ministrlık jaŋa derekterdı tyiym salynǧan ūiymdar reestrıne engızgennen keiın ǧana bastalady.
Alaida, atalmyş qozǧalys resmi türde tırkelmegen ärı Reseide de, basqa elderde de zaŋdy tūlǧa retınde joq.
«Is „öte qūpiia“ märtebesınde qaralyp jatyr, bız sot jäne ädılet ministrlıgınıŋ «Halyqaralyq Memorial qozǧalysyna» kımderdı jatqyzatynyn nemese aiyptardyŋ naqty mazmūnyn bılmeimız», — deidı Nataliia Sekretareva, "Memorial" qūqyq qorǧau ortalyǧynyŋ zaŋ bölımı jetekşısı.
Halyqaralyq tarihi, bılım beru, adam qūqyqtary jäne qaiyrymdylyq baǧytynda jūmys ısteitın «Memorial» qoǧamy - KSRO-daǧy saiasi quǧyn-sürgınderdı zertteu üşın qūrylǧan ükımettık emes ūiym. 1992 jyly Mäskeude qūrylǧan. Onyŋ aldynda 1987 jyly paida bolyp, bırneşe aimaqtyq ūiymdar men toptardyŋ paida boluyna sebep bolǧan Mäskeulık «Memorial» qoǧamdyq toby jūmys ıstedı. 1989 jyly olar bırıgıp, Bükılodaqtyq «Memorial» tarihi-aǧartu qoǧamyn qūrdy.
Keiın halyqaralyq ūiymǧa ainalǧan "Memorial" qoǧamy Resei, Germaniia, Qazaqstan, İtaliia, Chehiia, Belgiia, Fransiia jäne Ukrainadaǧy on ekı ūiymnyŋ serıktestıgı bolyp tabylady. Qoǧam zertteuler jürgızedı, adam qūqyqtaryn qorǧau jäne aǧartu ısterımen ainalysady.
