RBK málimetinshe, áýejaıdan óz baǵytyn tabatyn jolaýshylar aǵyny jylyna 300 myń adamnan asady. Reseılik holdıng ony tranzıttik hab retinde damytýǵa nıetti ekenin bylaı jetkizipti:
"Áýejaıdyń Qazaqstannyń soltústik-batysynda ornalasýy - bizge yńǵaıly. Munda tranzıttik tasymaldardy júzege asyrýǵa jáne onyń bazasynda óńirlik hab qalyptastyrýǵa múmkindik bar. Jańa ınvestordyń kelýi jáne jetekshi áýejaı kompanııasynyń quzyretterin engizý áýe torabyn odan ári damytý úshin ońtaıly perspektıvalar týdyrady".
Sondaı-aq, kompanııa ókilderi 2022 jyly Oral qalasynda jańa jolaýshylar termınaly salynǵanyn atap ótti. Endigi quıatyn ınvestıııalary, negizinen, arnaıy tehnıkaǵa, tyń tehnologııaǵa jáne servısterge baǵyttalmaq.
Oqyrmashǵa aıshyqtaı otyraıyq, "Oral "halyqaralyq áýejaıy" JShS-nyń menshik ıeleri reseılik "Retrans" AQ, "Oral menedjment" JShS jáne qazaqstandyq kásipker Dáýlethan Qılybaev.
"Ýralskaıa nedelıa" basylymynyń dereginshe, "Oral menedjment" JShS Sergeı Artıýgınge tıesili. Sondaı-aq onyń kún energııasymen aınalysatyn "Caspian Solar" degen kompanııasy da bar. Dáýlethan Qılybaev Qazaqstan damý bankinde, "QazAzot" AQ-da basshylyq qyzmetter atqarǵan.
"Aeroporty regıonov" basqarý kompanııasyna keleıik. Ol Reseı terrıtorııasyndaǵy óńirlik áýejaılardy basqarýdy júzege asyratyn Reseıdiń áýejaı holdıngi. Qazirgi ýaqytta holdıng qaramaǵynda kelesi áýejaılar bar:
- "Kolovo" áýejaıy (Ekaterınbýrg q.),
- "Kýrýmoch" áýejaıy (Samara q.),
- "Chkalov" áýejaıy (Nıjnıı Novgorod q.),
- "Platov" áýejaıy (Rostov-na-Doný q.),
- "Gagarın" áýejaıy (Saratov q.),
- "Elızovo" áýejaıy (Petropavl q.-Kamchatskıı),
- "Novyı Ýrengoı" áýejaıy (Novyı Ýrengoı q.),
- "Remezov" áýejaıy (Tobolsk q.).
Basqarý kompanııasynyń bas dırektory - Evgenıı Chýdnovskıı. Kompanııanyń shtab-páteri Máskeýde ornalasqan.
"Adyrna" ulttyq portaly
