Telegram kanaldarda "Vagner" jeke áskerı kompanııasynyń basshysy Evgenıı Prıgojınge tıesili delingen aýdıojazba jarııalandy, dep habarlaıdy “Adyrna” ulttyq portaly.
Aýdıoda Prıgojın delingen adam Máskeýge jetpeı, keri qaıtatynyn habarlaǵan.
Biz kolonnalardy aınaldyryp, keri qaıtamyz. Olar «Vagnerdi” taratqysy keldi, biz 23 maýsymda ádilet marshyna shyqtyq. Kúndiz Máskeýge deıin 200 kılometr jete almadyq. Osy ýaqyt ishinde jaýyngerlerimizdiń bir tamshy qanyn tókken joqpyz. Qazir qan tógýge bolatyn sát. Biraq, bir jaǵyna orys qany tógiletinine bar jaýapkershilikti túsinip, kolonnalarymyzdy keri aınaldyryp, jospar boıynsha dala qostaryna qarama-qarsy baǵytqa shyǵamyz, - dedi aýdıoda “Prıgojın”.
Eske salsaq, 24 maýsymǵa qaraǵan túni Evgenıı Prıgojın Reseı qorǵanys mınıstrligin soqqy berdi dep aıyptap, qarýly qaqtyǵys bastalǵanyn málimdegen. Keıinirek Evgenıı Prıgojınge qarsy qarýly kóterilis uıymdastyrý faktisi boıynsha qylmystyq is qozǵaldy.
Keıin Pýtın áskerı búlikshilerdi satqyn dep aıyptady.
Al Prıgojınniń daýsyna uqsas adam aýdıo-jazbada “qan tógilmegenin” aıtqanymen, budan aldyn osy toptyń reseılik tikushaqty atyp túsirgeni habarlanǵan edi.
