Äl-Farabi daŋǧylynda bolǧan rezonansty jol-kölık oqiǧasyna küdıktı dep tanylǧan Zeekr kölıgınıŋ jürgızuşısı auruhanadan tergeu izoliatoryna auystyryldy. Būl turaly Almaty qalalyq polisiia departamentınıŋ baspasöz qyzmetı aitty, dep habarlaidy «Adyrna» tılşısı.
«Apat saldarynan üş adam qaza tapty. Küdıktı būǧan deiın medisinalyq mekemede küzetpen bolǧan jäne sot sanksiiasymen qamauǧa alynǧan edı. Qazırgı uaqytta ol qylmystyq ıs aiasynda qamauda ūstau üşın tergeu izoliatoryna jetkızıldı», - delıngen seisenbı küngı habarlamada.
Eske salaiyq, qaiǧyly oqiǧa 21 nauryz künı Äl-Farabi daŋǧyly boiynda bolǧan edı. Zeekr 9X markaly kölık qarsy baǧytqa şyǧyp ketıp, Mercedes avtokölıgımen betpe-bet soqtyǧysqany turaly aityldy. Jol apaty saldarynan 29 jastaǧy jürgızuşı jäne 20 men 22 jastaǧy ekı jolauşy oqiǧa ornynda qaza tapty.
Äleumettık jelılerde taraǧan aqparatqa säikes, Zeekr kölıgın 32 jastaǧy almatylyq käsıpker basqarǧan. Kuägerlerdıŋ aituynşa, apat bolǧan sätte kölık basqa avtokölıkpen jarysqa tüsken boluy mümkın.
26 nauryzda polisiia tüngı jarystarǧa qarsy küres küşeitıletının mälımdedı. Sol künı Mäjılıs deputaty Mūrat Äbenov Almatydaǧy ölımge äkelgen jarysqa joǧary lauazymdy polisiia qyzmetkerınıŋ qatysy boluy mümkın degen küdıgın aityp, ony beinematerialmen negızdedı. Osydan keiın Almaty polisiiasynda qyzmettık tekserıs bastalyp, keiın Işkı ıster ministrı Erjan Sädenov bırqatar basşylar qyzmetınen bosatylǧanyn habarlady. Sonymen qatar IIM bırden bırneşe qylmystyq ıs qozǧalǧanyn mälımdep, rezonanstan keiın Almaty joldarynda qauıpsızdık şaralary küşeitıldı.
4 säuırde prezident Qasym-Jomart Toqaevtyŋ jol apatyna bailanysty ministr Sädenovke tapsyrma bergenı belgılı boldy. 6 säuırde IIM polisiia köşelerdı jasyryn türde patruldeudı bastaǧanyn mälımdedı.
