Reseidıŋ Samara oblysynda jol apaty bolyp, bırneşe adam zardap şektı. Sonyŋ ışınde Qazaqstannyŋ jetı azamaty bar. Būl turaly tötenşe jaǧdailar ministrlıgı mälımdedı, dep habarlaidy “Adyrna” ūlttyq portaly.
TJM mälımetınşe, jol apaty "Samara – Bolşaia Chernigovka" tas jolynda (RF Samara oblysy) bolǧan. Zardap şekken Qazaqstannyŋ jetı azamaty, onyŋ ışınde ekı bala 6 bırlık sanitarlyq avtokölıktıŋ kömegımen Oral medisinalyq mekemelerıne tasymaldandy.
“Taǧy bır zardap şekken otandasymyzdy TJ departamentınıŋ brigadasy jetkızdı. Resei aumaǧynda qazaqstandyq azamattardyŋ qatysuymen bolǧan jol apaty turaly habar alyna salysymen, oqiǧa ornyna jedel türde alty jedel järdem brigadasy attandy. Jaraqattardyŋ auyrlyǧyn eskere otyryp, şūǧyl medisinalyq kömek brigadalar qūramynda balalar men eresekter travmatologtary, hirurgtar, neirohirurg, reanimatolog, 6 feldşer boldy”, delıngen TJM mälımetınde.
Apattan zardap şekkenderde midyŋ şaiqaluy, aiaq-qoldyŋ, jambas süiekterınıŋ, omyrtqanyŋ synuy, kögeru, gematomasy jäne ortaşa auyrlyq türınde köptegen jaraqattar tırkeldı.
"Bügın, 7 qaŋtarda taŋerteŋ zardap şekken bes eresek adam Oral qalalyq köpsalaly auruhanasyna, ekı bala oblystyq köpsalaly balalar auruhanasyna jatqyzyldy, onda olarǧa medisinalyq kömektıŋ tolyq kölemı körsetıledı. Brigadalar tasymaldau barysynda pasientterdıŋ jai-küiınıŋ naşarlauyna jol bermedı", delıngen habarlamada.
Ūqsas jaŋalyqtar
