Qazaqstan men Qytaı ýnıversıtetteri birlesip, mıkrospýtnık arqyly zertteý júrgizbek, dep habarlaıdy "Adyrna" ulttyq portaly QazAqparatqa siltep.
Ál-Farabı atyndaǵy Qazaq ulttyq ýnıversıteti men Qytaı Halyq Respýblıkasynyń Soltústik-Batys polıtehnıkalyq ýnıversıteti mıkrospýtnık arqyly ǵylymı zertteý júrgizý boıynsha kelisimge keldi. Ál-Farabı atyndaǵy Qazaq ulttyq ýnıversıtettiń rektory Janseıit Túımebaev atalǵan kelisimge Memleket basshysy Qasym-Jomart Toqaev pen Qazaqstanǵa resmı saparmen kelgen QHR Tóraǵasy Sı zınpınniń birlesken málimdeme jasaý barysynda qol jetkenin aıtady.
«Ortaq jumys óz kezeginde ǵaryshty zertteýge, bilikti mamandardy daıarlaýǵa jáne ortaq spýtnıkterdi ázirleýge jol ashady. Sonymen qatar mıkrospýtnık arqyly jerdi qashyqtyqtan zertteý jumystaryn júrgizýge mol múmkindik beredi», — dedi Janseıit Túımebaev ShYU jıyny kezindegi «Joǵary bilim berý jáne óndiristi ıntegraııalaý salasyndaǵy yntymaqtastyq» atty halyqaralyq sımpozıýmda.
QazUÝ baspasóz qyzmeti Qytaıdyń Soltústik-Batys polıtehnıkalyq ýnıversıteti ǵaryshqa nanospýtnıkterdi ushyrý boıynsha kóshbasshy oqý orny ekenin atady.
Eki JOO kelisiminiń basty maqsaty — jer qyrtysy men mantııadaǵy tyǵyzdyq geterogendiligin anyqtaý úshin spýtnıktiń arnaıy jer stanııasy men taratqyshty qamtıtyn gravımetrııalyq ólsheý jabdyqtaryn ázirleý.
«Jyldan jylǵa ShYU-ǵa múshe elder arasynda barlyq sala boıynsha yntymaqtastyq artyp keledi. Bul turǵyda ýnıversıtetter bilikti mamandardy daıarlaýda sheshýshi ról atqarady. Qazir ǵylymı zertteý júrgizý, halyqaralyq deńgeıde bilim berý jáne iskerlik baılanysty damytýdyń mańyzy orasan zor. Ál-Farabı atyndaǵy QazUÝ qazaqstandyq joǵary oqý oryndarynyń arasynda alǵashqylardyń biri bolyp ShYU-ǵa múshe memleketterdiń joǵary oqý oryndary men ShYU ýnıversıtetiniń hartııasy arasyndaǵy yntymaqtastyq týraly memorandýmǵa qol qoıdy. Maqsat — álemdik bilim keńistigine yqpaldasý jáne otandyq joǵary bilimniń básekege qabiletin arttyrý», — dep tolyqtyrdy Janseıit Túımebaev.
