Májilis depýtaty Ermurat Bapı densaýlyǵyna baılanysty taraǵan aqparatqa jaýap berdi, dep habarlaıdy “Adyrna” ulttyq portaly QazTAG-qa siltep.
BAQ betterinde depýtattyń “ýlanǵany” týraly aqparattar taraýda. Keıinnen Ermurat Bapıdiń shekara asyp, Eýropaǵa em alýǵa ketkeni týraly derek jarııalanǵan.
Alaıda depýtattyń ózi bul málimetti joqqa shyǵardy.
«Men áli eshqaıda ketken joqpyn, men Eýropadaǵy klınıkadan shaqyrý kútip otyrmyn. Aıtylyp jatqannyń bári boljam. Úsh-tórt kún buryn men Facebook-te qolymnyń isingen fotosýretterin jarııaladym, sodan keıin olar meni basqa jaqqa emge alyp ketti degen áńgime bastaldy», - dedi Bapı beısenbi kúni QazTAG redakııasyna bergen jaýabynda.
Depýtat qolynyń isiný sebepterin anyqtaý úshin barlyq medıınalyq tekseristen ótkenin aıtty. Alaıda synamalar isiktiń neden paıda bolǵanyn anyqtaı almaǵan.
Depýtat eýropalyq klınıkalardyń birine de taldaýlar jibergen. Onyń sózinshe, depýtat sheteldik aýrýhanadan shaqyrtý kútip otyr.
«Jalpy, men ózimdi jaqsy sezinemin, qazir shıpajaıdamyn, demalystan keıin óz saılaýshylarymnyń múddesi úshin jumysty jalǵastyrýǵa nıettimin – bári jaqsy, alańdaıtyn eshteńe joq», - dep atap ótti Bapı.
Buǵan deıin, depýtat belgisiz dıagnozben aýyrǵany týraly aıtqan edi.
