ءماجىلىس دەپۋتاتى بولات كەرىمبەك بيۋدجەت شىعىندارىن وڭتايلاندىرۋ ماقساتىندا اسكەري قىزمەتكەرلەردىڭ وتباسىلارىنا ارنالعان تولەمدەر مەن جەڭىلدىكتەردى قىسقارتۋ جونىندەگى تۇزەتۋلەردى ۇسىندى، دەپ حابارلايدى "ادىرنا" ۇلتتىق پورتالى.
زاڭ جوباسىندا اسكەري جانە ارنايى وقۋ ورىندارىنان تومەن ۇلگەرىم سەبەبىمەن شىعارىلعان ماگيسترانت جانە دوكتورانت وفيتسەرلەرگە بەرىلەتىن كەيبىر وتەماقىلاردى جويۋ قاراستىرىلعان.
دەپۋتاتتىڭ ايتۋىنشا، ۇسىنىلعان نورمالار مەملەكەتتىك شىعىنداردى ءتيىمدى پايدالانۋ مەن بيۋدجەتتىك رەسۋرستاردى وڭتايلى جۇمساۋعا مۇمكىندىك بەرەدى.
سونىمەن قاتار، ەگەر ەكەۋى دە اسكەري قىزمەتكەر نەمەسە قۇقىق قورعاۋ ورگاندارىنىڭ قىزمەتكەرى بولسا، قىزمەتتىك اۋىس كەزىندە مۇلىكتى تاسىمالداۋعا ارنالعان وتەماقى تەك بىرەۋىنە تولەنەتىن بولادى.
«ەگەر ەكەۋى دە اسكەري قىزمەتكەر نەمەسە قۇقىق قورعاۋ ورگاندارىنىڭ قىزمەتكەرى بولسا، قىزمەتكە اۋىسۋ كەزىندە مۇلىكتى تاسىمالداۋعا كەتكەن شىعىنداردى وتەماقى تەك بىرەۋىنە عانا قاراستىرىلادى»، – دەدى بولات كەرىمبەك.
وسى زاڭ جوباسى قابىلدانعان جاعدايدا، بيۋدجەتتىك شىعىنداردى ازايتۋ جانە مەملەكەتتىك قاراجاتتى ءتيىمدى پايدالانۋ كوزدەلىپ وتىر.
