Almatyda sarbazǧa küş qoldanyp, ony demalys uaqytynda zaŋsyz jūmysqa tartqan ofiserge qatysty ükım şyqty, dep habarlaidy "Adyrna" ūlttyq portaly.
Is Almaty garnizonynyŋ äskeri soty qarauynda boldy. Sot mälımetınşe, ofiser qol astyndaǧy sarbazǧa fizikalyq küş körsetıp, demalys uaqytynda jūmysqa mäjbürlegen. Osylaişa, ol qyzmettık ökılettıgın asyra paidalanǧan.
Aiyptaluşyǧa Qazaqstan Respublikasy Qylmystyq kodeksınıŋ 451-baby 1-bölıgı (bilıktı nemese qyzmettık ökılettıgın asyra paidalanu) boiynşa aiyp taǧyldy. Memlekettık aiyptauşy ony 3 jylǧa bostandyǧyn şekteudı sūrasa, qorǧauşy 1 jyl 6 ai merzımge jeŋıl jaza taǧaiyndaudy ötındı.
Sottaluşy öz kınäsın tolyq moiyndap, jäbırlenuşıge keltırılgen materialdyq jäne moraldyq şyǧyndy öteuge daiyn ekenın jetkızdı. Al jäbırlenuşı sottan barynşa qataŋ jaza qoldanudy talap ettı.
Sot şeşımımen ofiser kınälı dep tanylyp, 2 jylǧa bostandyǧyn şekteu jazasyna kesıldı. Sonymen qatar ol «aǧa leitenant» äskeri şenınen aiyryldy. Endı ol jäbırlenuşıge keltırılgen şyǧyndy tolyq öteuge mındetteldı.
