Olimpiada chempiony Serık Säpiev jaŋa qyzmetke taǧaiyndaldy, dep habarlaidy "Adyrna" ūlttyq portaly.
Sportşy Qaraǧandy oblysynyŋ sport basqarmasy basşysy qyzmetınen bosatylyp, Qazaqstan Respublikasynyŋ turizm jäne sport ministrınıŋ ştattan tys keŋesşısı bolyp taǧaiyndaldy.
Sonymen qatar, ol jazǧy XX Aziia oiyndaryna daiyndyq ştabynyŋ sporttyq blogyn üilestıru mındetın atqaratyn boldy. Būl şeşım "Dene şynyqtyru jäne sport turaly" zaŋnyŋ jaŋartylǧan redaksiiasynda közdelgen rotasiia aiasynda qabyldandy.
Serık Säpiev būǧan deiın Parlament Mäjılısınıŋ deputaty bolyp qyzmet atqarǧan, sondai-aq mädeniet jäne sport ministrlıgınde bırqatar jauapty lauazymdardy meŋgergen. Qazırgı taŋda ol QR Ūlttyq surdolimpiadalyq komitetınıŋ prezidentı bolyp tabylady.
Aita keteiık, jazǧy Aziia oiyndary 2026 jyly 19 qyrküiek pen 4 qazan aralyǧynda Japoniianyŋ Aichi jäne Nagoia qalalarynda ötedı. Aziada baǧdarlamasyna 41 sport türı engen.
