Maŋǧystau oblysynyŋ qala jäne audandarynda ūiymdastyrylǧan merekelık ıs-şaralar ūlttyq dästürler men zamanaui formatty üilestırıp, öŋır tūrǧyndary men qonaqtaryna erekşe merekelık köŋıl-küi syilady. Jalpy oblys boiynşa Nauryz merekesıne 60 myŋnan astam adam qatysyp, 134 kiız üi tıgıldı.
Merekenıŋ negızgı şarasy oblys ortalyǧy Aqtau qalasynda öttı. Kaspii teŋızınıŋ jaǧalauyny 25 myŋnan astam adam jinalyp, aqşaŋqan 33 kiız üi ornatyldy.
Merekenıŋ basty erekşelıkterınıŋ bırı – «Digital Nauryz» jobasy aiasyndaǧy sifrlyq kiız üi boldy. Mūnda keluşılerge interaktivtı tehnologiialyq aimaqtar ūsynyldy: adam tärızdı «Nauryz» roboty, «Tazy» robot-itı, sondai-aq şai qūiatyn «Shai-tech» jobasy tanystyryldy. Qonaqtar VR/AR tehnologiialarymen, virtualdy oiyndarmen tanysyp, oquşylar äzırlegen Qazaq handyǧy däuırıne arnalǧan VR-jobaǧa erekşe qyzyǧuşylyq tanytty. Sonymen qatar 3D baspa mümkındıkterı men öŋırlık IT jobalar ūsynyldy.
22 nauryz künı merekelık baǧdarlamalar «Berekelı Nauryz – merekelı şeru» atty ūlttyq öner men dästürdı ūlyqtaǧan şerumen bastaldy. Şeruge ūlttyq kiım kigen tūrǧyndar, önerpazdar jäne etnomädeni bırlestıkter qatysty.
Amfiteatr sahnasynda «Nauşa Nauryz – baq, yrystyŋ bastauy» atty auqymdy teatrlandyrylǧan qoiylym qoiyldy. Sonymen qatar qazaq küresı, läŋgı tebu, arqan tartu jäne qol küres sekıldı ūlttyq sport türlerınen jarystar ūiymdastyrylyp, oǧan är öŋırden kelgen sportşylar qatysty.
Konserttık baǧdarlama aiasynda belgılı önerpazdar – Aqylbek Jemenei, Ǧadılbek Jaŋai, sondai-aq özbekstandyq änşıler Şyraz Nuratdinov pen İnabat Djumaniiazova öner körsettı. Mereke Maŋǧystau oblystyq filarmoniiasy ärtısterınıŋ konsertımen qorytyndylandy.
Beineu audanynda merekelık ıs-şaralar Äli Balta paluan atyndaǧy ortalyq stadionda öttı. Oǧan 23 kiız üi tıgılıp, 8 myŋnan astam adam qatysty. Mūnda da robototehnika körmesı ūiymdastyryldy.
Tüpqaraǧan audanyndaǧy negızgı şaralar Fort-Şevchenko qalasynyŋ ortalyq alaŋynda öttı. 11 kiız üi ornatylyp, 2 myŋnan astam adam jinaldy. Oquşylar äzırlegen robottar körmesımen sifrlyq aimaq ūsynyldy.
Jaŋaözen qalasynda merekelık ıs-şaralar bırneşe künge jalǧasty. Qala men auyl aimaqtarda barlyǧy 31 kiız üi tıgılıp, 10 myŋnan astam adam jinaldy. Sifrlyq format aiasynda «Özenmūnaigaz» AQ jastary ūiymdastyrǧan robottar tanystyryldy.
Qaraqiia audanynda merekelık ıs-şaralar Qūryq, Jetıbai jäne Mūnaişy auyldarynda ūiymdastyrylyp, 15 kiız üi tıgıldı, 2–3 myŋǧa juyq tūrǧyn Nauryz dumanyna kuä boldy.
Maŋǧystau audanynda negızgı merekelık şaralar Şetpe auylynda ötıp, 10 kiız üi tıgıldı, 4 myŋnan astam adam jinaldy.
Al Mūnaily audanyndaǧy Maŋǧystau auylynda 11 kiız üi ornatylyp, merekege 8 myŋnan astam tūrǧyn qatysty.
Jalpy, oblystyŋ barlyq qala jäne audandarynda ūiymdastyrylǧan merekelık ıs-şaralar keşkı konserttık baǧdarlamalarmen qorytyndylanyp, körermenderge erekşe äser men köterıŋkı köŋıl-küi syilady.
