Oral qalasyndaǧy «Atameken» öner ordasynda Qazaqstan Respublikasynyŋ Konstitusiiasy künıne arnalǧan saltanatty jiyn öttı. Būl mereke – eldıŋ täuelsızdıgı men qūqyqtyq memleket qūndylyqtaryn aişyqtaityn maŋyzdy data. Is-şaraǧa memlekettık organdardyŋ ökılderı, ardagerler, qoǧam qairatkerlerı men jastar qatysty.
Saltanatty şarada Batys Qazaqstan oblysynyŋ äkımı Nariman Töreǧaliev öz sözınde Ata Zaŋnyŋ män-maŋyzyna erekşe toqtaldy.
«Osydan otyz jyl būryn bükılhalyqtyq referendum arqyly qabyldanǧan Konstitusiia – Täuelsız Qazaqstannyŋ berık tūǧyry. Ol eldıŋ bırlıgın nyǧaityp, qoǧamdaǧy tūraqtylyqty ornyqtyrdy, ärbır azamattyŋ qūqyǧy men bostandyǧyn qorǧaudyŋ senımdı kepılıne ainaldy», – atap öttı öŋır basşysy.
Sonymen qatar, N. Töreǧaliev Memleket basşysy Qasym-Jomart Toqaevtyŋ Konstitusiianyŋ tarihi maŋyzyna bergen joǧary baǧasyn da eske saldy. Prezident atap ötkendei, qazaq halqy ejelden zaŋǧa qūrmetpen qarap, ädıldık pen adamgerşılıktı biık qoiǧan. Qasym hannyŋ qasqa joly, Esım hannyŋ eskı joly, Äz Täukenıŋ Jetı jarǧysy – Ūly dalanyŋ jazylmaǧan konstitusiiasy bolyp, memlekettılık dästürın qalyptastyrǧan.
Jiyn barysynda eldıŋ äleumettık-ekonomikalyq damuyna jäne qoǧamdyq ömırge eleulı üles qosqan bırqatar azamatqa «Qazaqstan Respublikasynyŋ Konstitusiiasyna 30 jyl» merekelık medalı tabys etıldı.
Saltanatty şara Konstitusiia künıne arnalǧan merekelık konserttık baǧdarlamaǧa ūlasyp, öŋırdıŋ öner ūjymdary arnaiy qoiylymdaryn ūsyndy.
