AQŞ prezidentı Donald Tramp Vaşingtondaǧy Aq üide oryndauşylyq jarlyqqa qol qoiu räsımınde Kubany baqylauǧa alu mümkındıgın “qūrmet” dep sanauymdy aitamyn dep mälımdedı, dep habarlaidy "Adyrna" ūlttyq portaly CNBC agenttıgıne sılteme jasap.
«Men şynymen de Kubany jaulap alu men üşın qūrmet bolatynyna senemın. Būl tamaşa bolar edı. Men ony bosatsam da, jaulap alsam da – qalaimyn, solai ıstei alamyn», - dedı Tramp jurnalisterge bergen sūhbatynda.
Būl AQŞ prezidentınıŋ Kubaǧa qatysty alǧaşqy mälımdemesı emes. Būǧan deiın ol “dos memleket retınde memlekettı baqylau” mümkındıgın de aitqan bolatyn.
Kubada energetikalyq daǧdarys būrynnan bar. Venesuela prezidentı Nikolas Maduronyŋ qamauǧa alynuynan keiın Aq üi Gavanaǧa venesuelalyq mūnai jetkızudı şektedı. Būl energetikalyq jäne ekonomikalyq daǧdarysty küşeittı. 14–15 nauryzda bükıl elde elektr quaty öşırulerıne qarsy narazylyq aksiialary öttı, kei jerlerde köşelerde tärtıpsızdık oryn aldy.
Al 16 nauryzda Kubanyŋ barlyq halqy ūlttyq deŋgeidegı blekaut saldarynan elektr quatynan aiyryldy.
