AQŞ-tyŋ İranǧa ekonomikalyq qysym jasauy auqymdy äskeri qimyldardyŋ qaita bastalu yqtimaldyǧyn tömendetedı. Būl turaly AQŞ qarjy ministrı Skott Bessent CNBC telearnasynyŋ efirınde mälımdedı, dep habarlaidy «Adyrna» tılşısı.
«Eger bız İranǧa barynşa ekonomikalyq qysym jasasaq, būl auqymdy äskeri qimyldardyŋ qaita bastalmaitynyn bıldıruı mümkın», – dedı ministr.
Bessent AQŞ-tyŋ ultimatumǧa negızdelgen täsılıne süienetın İrandy ekonomikalyq oqşaulau strategiiasy turaly aitty. Oǧan säikes, odaqtastar Vaşingtondy qoldauy nemese sanksiialarǧa tap boluy tiıs.
Ol İranmen jasalatyn kez kelgen ıskerlık operasiia – bank audarymdarynan bastap mūnai saudasy men teŋız tasymalyna deiın – AQŞ Qarjy ministrlıgı men ükımetınıŋ qataŋ qysymyna ūşyraitynyn atap öttı. Aituynşa, būl saiasattyŋ maqsaty – İran ekonomikasynyŋ tolyq küireuıne qol jetkızu.
Financial Times basylymynyŋ habarlauynşa, AQŞ tarapynan jaǧdai odan ärı uşyqqan jaǧdaida İran Europadaǧy amerikalyq äskeri nysandarǧa soqqy beru mümkındıgın qarastyryp jatyr. Basylym derekközderı yqtimal nysandardyŋ qatarynda Bolgariia men Kiprdegı äskeri nysandardy ataǧan. Sonymen bırge NATO kez kelgen qauıpke tötep beruge jäne odaqtastaryn qorǧauǧa daiyn ekenın mälımdedı.
The Wall Street Journal basylymynyŋ mälımetınşe, şielenıstıŋ küşeiuı aiasynda Tegeran İslam revoliusiiasy saqşylar korpusynyŋ (İRSK) armiiaǧa yqpalyn arttyryp, zymyrandar men ūşqyşsyz ūşu apparattarynyŋ öndırısın ūlǧaityp, «auqymdy qarsylasuǧa» daiyndalyp jatyr.
