Ýkraına prezıdenti Vladımır Zelenskıı kelesi aptada Ýkraına men Amerıka delegaııalary arasynda josparlanǵan kelissózder ótetinin málimdedi. Bul týraly Zelenskıı H áleýmettik jelisinde aıtty, dep habarlaıdy «Adyrna” ulttyq portaly.
Zelenskııdiń aıtýynsha, eki eldiń komandalary ózara is-qımyldy qalpyna keltirdi, al ýkraın tarapy ekijaqty dıalog konstrýktıvti jáne mazmundy bolady dep senedi. Ol kelissózder Kıev pen Vashıngton arasyndaǵy yntymaqtastyqty nyǵaıtýdaǵy mańyzdy kezeńge aınalatynyna senim bildirdi.
Amerıkalyq sheneýnikter kezdesýdiń Saýd Arabııasynda ótetinin jáne daıyndyq júrip jatqanyn rastady. Degenmen, kún tártibiniń mán-jaılary, qatysýshylardyń quramy jáne negizgi talqylaý taqyryptary áli belgisiz.
Sonymen qatar, Zelenskıı eýropalyq seriktesterge kómek kórsetkeni úshin alǵys bildirdi jáne odaqtastardyń birligi qazirgi halyqaralyq jaǵdaıda sheshýshi ról atqaratynyn atap ótti. Ol Ýkraına Eýropanyń, ásirese álemdik saıasattaǵy osyndaı qıyn kezeńde kórsetken yntymaqty joǵary baǵalaıtynyn atap ótti.
Aıta ketsek, AQSh prezıdenti Donald Tramp Kongreste málimdeme jasap, Zelenskııden mańyzdy hat kelgenin aıtqan bolatyn. Tramp hatta Vladımır Zelenskııden beıbit kelisim jasaýǵa daıyn ekeni týraly jazylǵanyn rastaǵan bolatyn.
