Ukraina prezidentı Vladimir Zelenskii kelesı aptada Ukraina men Amerika delegasiialary arasynda josparlanǧan kelıssözder ötetının mälımdedı. Būl turaly Zelenskii H äleumettık jelısınde aitty, dep habarlaidy «Adyrna” ūlttyq portaly.
Zelenskiidıŋ aituynşa, ekı eldıŋ komandalary özara ıs-qimyldy qalpyna keltırdı, al ukrain tarapy ekıjaqty dialog konstruktivtı jäne mazmūndy bolady dep senedı. Ol kelıssözder Kiev pen Vaşington arasyndaǧy yntymaqtastyqty nyǧaitudaǧy maŋyzdy kezeŋge ainalatynyna senım bıldırdı.
Amerikalyq şeneunıkter kezdesudıŋ Saud Arabiiasynda ötetının jäne daiyndyq jürıp jatqanyn rastady. Degenmen, kün tärtıbınıŋ män-jailary, qatysuşylardyŋ qūramy jäne negızgı talqylau taqyryptary älı belgısız.
Sonymen qatar, Zelenskii europalyq serıktesterge kömek körsetkenı üşın alǧys bıldırdı jäne odaqtastardyŋ bırlıgı qazırgı halyqaralyq jaǧdaida şeşuşı röl atqaratynyn atap öttı. Ol Ukraina Europanyŋ, äsırese älemdık saiasattaǧy osyndai qiyn kezeŋde körsetken yntymaqty joǧary baǧalaitynyn atap öttı.
Aita ketsek, AQŞ prezidentı Donald Tramp Kongreste mälımdeme jasap, Zelenskiiden maŋyzdy hat kelgenın aitqan bolatyn. Tramp hatta Vladimir Zelenskiiden beibıt kelısım jasauǧa daiyn ekenı turaly jazylǧanyn rastaǧan bolatyn.
