Bügın Aqtöbe oblysynyŋ äkımı Ashat Şaharov jaŋa Konstitusiia jobasy boiynşa ötkızılgen respublikalyq referendumǧa qatysyp, öz taŋdauyn jasady.
Öŋır basşysy №541 referendum uchaskesınde dauys berdı. Atalǧan uchaske Ūzaqbai Qūlymbetov atyndaǧy №64 jalpy bılım beretın mektepte ornalasqan.
Dauys bergennen keiın oblys äkımı referendumǧa qatysudyŋ maŋyzdylyǧyn atap öttı.
«Bügın men referendum uchaskesıne kelıp, elımızdıŋ jarqyn bolaşaǧy üşın öz taŋdauymdy jasadym. Būl – tek bızdıŋ qūqyǧymyz ǧana emes, ärbır azamattyŋ Otan aldyndaǧy mındetı. Konstitusiia – täuelsız Qazaqstannyŋ basty qūjaty, memleketımızdıŋ berık negızı», – dedı oblys äkımı.
Sondai-aq ol Aqtöbe oblysynda referendumdy ötkızu üşın barlyq qajettı jaǧdai jasalǧanyn alǧa tartty. Öŋırde 528 dauys beru uchaskesı jūmys ıstep tūr. Olardyŋ barlyǧy qajettı jabdyqtarmen tolyq qamtamasyz etılgen.
Uchaskelerde dauys beru prosesınıŋ aşyq ärı zaŋ talaptaryna säikes ötuı üşın barlyq mümkındık qarastyrylǧan.
Qazırgı uaqytta respublikalyq referendum Aqtöbe oblysynyŋ aumaǧynda jalǧasyp jatyr. Ärbır tūrǧyn el bolaşaǧyna qatysty öz pıkırın bıldırıp, taŋdau jasauǧa mümkındık aldy.
