Bügın Maŋǧystau oblysynyŋ Qaraqiia audanynda eŋbek adamdary saiasi nauqanǧa belsendı qatysyp, öz azamattyq taŋdaularyn öndırıs oryndarynda jasady. Audan aumaǧyndaǧy mūnai-gaz salasynda eŋbek etetın jūmysşylar üşın arnaiy jaǧdailar jasalyp, olar öndırıstık üderısten qol üzbei-aq dauys beru mümkındıgıne ie boldy.
Öŋır ekonomikasynyŋ negızgı tırekterınıŋ bırı sanalatyn mūnai salasynda qyzmet etetın jūmysşylar taŋǧy uaqyttan bastap öz uchaskelerınde dauys berıp, el ömırındegı maŋyzdy nauqannan tys qalmaitynyn körsettı. Köptegen mūnaişylar auysymaralyq uaqytty paidalanyp, azamattyq boryştaryn oryndady.
Sailau üderısınıŋ aşyq ärı ūiymdasqan türde ötuı üşın öndırıs oryndarynda barlyq qajettı şaralar qabyldandy. Uchaskeler zaŋ talaptaryna säikes jabdyqtalyp, sailau komissiialary men baqylauşylar öz mındetterın talapqa sai atqaruda.
Mūnaişylardyŋ aituynşa, el bolaşaǧyna beijai qaramai, maŋyzdy qoǧamdyq-saiasi nauqandarǧa qatysu – ärbır azamattyŋ jauapkerşılıgı. Sondyqtan olar öndırıstegı qarbalasqa qaramastan dauys beruge uaqyt tauyp, öz taŋdaularyn jasauda.
