«Ädılettı jäne Progressivtı Qazaqstannyŋ Halyqtyq Konstitusiiasy üşın!» atty Jalpyūlttyq koalisiia belsendılerı öŋırlerde keŋ auqymdy aqparattyq-tüsındıru şaralaryn qolǧa aldy.
Astana qalasynan bastau alǧan jūmys, Qaraǧandy, Qostanai, Pavlodar, Soltüstık Qazaqstan oblystary men Şymkentte jalǧasyn tapty. Belsendıler belgılengen oryndarda ügıt-nasihat plakattaryn ılumen qatar, aqparattyq-tüsındırme paraqşalaryn azamattarǧa taratuda. Sondai-aq Halyqtyq ştab müşelerı men belsendıler elımız boiynşa aqparattandyru, tüsındırme jūmystaryn jürgızude.
Jalpyūlttyq koalisiia ştabynyŋ müşesı, «Jastar Ruhy» töraǧasynyŋ orynbasary Erjan Hamitov nauqanǧa elımızdıŋ barlyq öŋırlerınen jastar belsendı qatysyp jatqanyn atap öttı.
«Koalisiia jūmysy bastalysymen 3 respublikalyq maŋyzy bar qala men 17 oblysta qūrylǧan ştabtar janyndaǧy belsendıler jüielı ıske kırıstı. Bügınde jastar oflain formatta aqparattyq materialdardy taratyp, azamattarǧa Jaŋa Konstitusiianyŋ mazmūny men 15 nauryzda ötetın referendumnyŋ maŋyzyn tüsındırude. Sonymen qatar, äleumettık jelıler arqyly da keŋ auditoriiany qamtyp, onlain keŋıstıkte belsendı tüsındıru jūmystary jürgızılude. Negızgı maqsatymyz - qoǧamǧa aldaǧy saiasi nauqannyŋ mänı men maŋyzyn jan-jaqty jetkızu», – dedı ol.
Ştab ökılderınıŋ mälımetınşe, aqparattyq şaralar oblys jäne qala ortalyqtarymen qatar, audan men auyldyq eldı mekenderdı de qamtyp otyr. Aldaǧy uaqytta «Esıkten esıkke» aksiiasy ūiymdastyrylyp, tūrǧyndarmen jeke formatta jüzdesu josparlanǧan. Būl bastama aiasynda azamattardyŋ sūraqtaryna naqty jauap berılıp, qosymşa tüsındırme materialdary ūsynylady. 
Būdan bölek, Halyqtyq ştab müşelerı respublika kölemınde kezdesuler ūiymdastyryp, Jaŋa Konstitusiia jobasynyŋ negızgı baǧyttary men ūsynylyp otyrǧan özgerısterdıŋ mänın keŋınen tüsındırude. Tūrǧyndarmen aşyq pıkır almasu formatynda kezdesuler ötkızılıp, azamattardyŋ saualdaryna jauap berılıp, ūsynystary eskerılude.
Aita ketu kerek, jetekşı qoǧamdyq-saiasi küşter «Ädılettı jäne Progressivtı Qazaqstannyŋ Halyqtyq Konstitusiiasy üşın!» atty Jalpyūlttyq koalisiia aiasynda bırıktı. Onyŋ qūramyna saiasi partiialardyŋ ortalyq jäne öŋırlık qūrylymdary, respublikalyq qoǧamdyq bırlestıkter, Parlament pen mäslihat deputattary, ǧylymi-sarapşylyq qauym ökılderı, mädeniet jäne sport qairatkerlerı, käsıpodaq ūiymdary, salalyq qauymdastyqtar men jastar ūiymdary engen.
Qazırgı uaqytta koalisiia müşelerı aimaqtardaǧy tüsındıru ıs-şaralaryn jalǧastyruda. Referendum qarsaŋynda eŋbek ūjymdarymen, sarapşylarmen jäne tūrǧyndarmen kezdesuler ötkızu arqyly aşyq dialog alaŋdaryn keŋeitu közdelıp otyr. Negızgı basymdyq – azamattardyŋ sanaly ärı jauapty türde şeşım qabyldauyna jaǧdai jasau.
