Maŋǧystau oblysynda ötıp jatqan referendumda mümkındıgı şekteulı azamattar da belsendı qatysyp, öz taŋdaularyn jasauda. Solardyŋ bırı – Ruslan Gaibatov.
Ruslan Gaibatov özı tırkelgen №267 referendum uchaskesıne kelıp, dauys berdı. Onyŋ aituynşa, uchaskede erekşe qajettılıgı bar azamattar üşın barlyq jaǧdai jasalǧan.
– Bügın referendumǧa qatysyp, öz taŋdauymdy jasadym. Uchaskede bızge barlyq jaǧdai qarastyrylǧan. Kıru joldary yŋǧaily, qyzmetkerler de kömek körsetıp jatyr. Osyndai maŋyzdy şaraǧa qatysu – är azamattyŋ mındetı dep oilaimyn, – dedı Ruslan Gaibatov.
Aita keteiık, referendum uchaskelerınde mümkındıgı şekteulı azamattar üşın qosymşa jaǧdailar qarastyrylǧan. Atap aitqanda, invataksi qyzmetı ūiymdastyrylyp, azamattardyŋ dauys beru uchaskelerıne kedergısız jetuıne mümkındık jasalǧan.
Sonymen qatar uchaskelerde qoljetımdı dauys beru ortasy qamtamasyz etılgen. Köru qabıletı tömen azamattar üşın biulletenderdı öz betınşe toltyruǧa mümkındık beretın Brail qarpı bar arnaiy trafaretter qoldanylady.
Būdan bölek, azamattardyŋ aqparatqa qoljetımdılıgın arttyru maqsatynda Konstitusiia jobasynyŋ audio nūsqalary daiyndalǧan. Qūjattyŋ mazmūny qazaq jäne orys tılderınde audioformatta qoljetımdı.
Mūndai şaralar barlyq azamattardyŋ referendumǧa teŋ därejede qatysuyna mümkındık beruge baǧyttalǧan.
