Bügın, 15 nauryz künı elımız boiynşa jaŋa Konstitusiiany qabyldau mäselesı boiynşa respublikalyq referendum ötıp jatyr. Almaty oblysynda dauys beruge qūqyǧy bar azamattar tızımıne 1 029 611 adam engızılgen. Onyŋ ışınde 5871 adam alǧaş ret dauys bere alady.
Öŋırde 677 referendum uchaskesınıŋ jūmysy ūiymdastyrylǧan. Barlyq uchaskeler qajettı materialdyq-tehnikalyq jabdyqtarmen tolyq qamtamasyz etılgen. Atap aitqanda, dauys beru kabinalary, stasionarlyq jäne tasymaldy jäşıkter, sondai-aq komissiia müşelerı men baiqauşylarǧa arnalǧan jūmys oryndary daiyndalǧan. Dauys beru saǧat 07:00-den 20:00-ge deiın jalǧasady. Odan keiın dauystardy sanau räsımı bastalady.
Oblys ortalyǧy – Qonaev qalasynda da öŋırdegı basqa uchaskelerdegıdei №949-şı referendum uchaskesınde jūmys taŋǧy saǧat 07:00-de Qazaqstan Respublikasynyŋ Memlekettık Gimnın oryndaumen bastalyp. Keiın bata berıldı. Batany Qonaev qalasy «Ardagerler ūiymy» qoǧamdyq bırlestıgınıŋ keŋes töraǧasy Bazarbai Oralbaev berdı. Qazaqy dästürde mūndai igı tılek maŋyzdy şaralardyŋ aldynda aitylady. Aqsaqal elge tynyştyq, bırlık pen bereke tılep, azamattardy jauapkerşılık pen parasattylyqqa şaqyrdy.
Uchaskelerde pandustar ornatylyp, arnaiy körsetkışter men yŋǧaily dauys beru kabinalary qarastyrylǧan. Qajet bolǧan jaǧdaida uchaskelık komissiia müşelerı azamattarǧa aqparattyq kömek körsetedı. Densaulyǧyna bailanysty uchaskege kele almaityn azamattar üşın tasymaldy jäşık arqyly üide dauys beru mümkındıgı ūiymdastyrylǧan. Öŋırde 2320 mümkındıgı şekteulı azamattyŋ derekterı naqtylanyp, olardyŋ qai uchaskege tırkelgenı tekserılgen.
Öŋırde invataksi qyzmetı de ūiymdastyrylǧan. Oblys ortalyǧynda ekı arnaiy kölık qyzmet körsetedı. Sonymen qatar 214 eldı mekendı qamtityn 24 invataksi jūmys ısteidı. Būdan bölek, 15 surdoaudarmaşy jäne äleumettık qyzmetkerler tartylǧan.
Referendumdy ötkızuge öŋırde bır oblystyq, ekı qalalyq, toǧyz audandyq jäne 677 uchaskelık komissiia qatysuda. Komissiialardyŋ qūramynda 4781 adam jūmys ısteidı. Daiyndyq kezeŋınde olardyŋ barlyǧy arnaiy oqytudan öttı.
Dauys beru barysyn qoǧamdyq bırlestıkter men ükımettık emes ūiymdar ökılderı, sondai-aq halyqaralyq ūiymdar men şeteldık būqaralyq aqparat qūraldarynyŋ ökılderı baqylai alady. Meiramgül Aitovanyŋ aituynşa, Almaty oblysynda referendumdy baqylau üşın 16 öŋırlık jäne 11 respublikalyq ükımettık emes ūiym akkredittelgen. Olar uchaskelerde baqylauşy retınde qatysuǧa qūqyly.
Öŋırde azamattardyŋ uaqytşa bolatyn oryndarynda ornalasqan 36 uchaske jūmys ısteidı. Onyŋ 15-ı äskeri bölımderde, 16-sy stasionarlyq emdeu-profilaktikalyq mekemelerde, 4-uı tergeu jäne uaqytşa ūstau izoliatorlarynda, al bır uchaske arnauly äleumettık qyzmet körsetu ortalyǧynda ornalasqan. Eger būl uchaskelerde tızımge engızılgen barlyq azamat dauys berse, uchaskelık komissiia dauys berudıŋ aiaqtalǧanyn merzımınen būryn jariialai alady.
Aita keteiık, zaŋ talaptaryna säikes öŋırdegı jetı uchaskede dauys beru taŋǧy saǧat 06:00-de bastaldy. Qalǧan uchaskelerde dauys beru keste boiynşa saǧat 07:00-den 20:00-ge deiın jalǧasady. Uchaskeler jabylǧannan keiın dauystardy sanau räsımı bastalady.
