Ūlytau oblysynda respublikalyq referendum ötkızuge arnalǧan 127 uchaskelık komissiia tolyq daiyn. Uchaskeler qajettı materialdyq-tehnikalyq qūraldarmen qamtamasyz etılıp, dauys berudı ūiymdastyruǧa barlyq jaǧdai jasalǧan.
Referendumdy ötkızu üşın oblysta 6 aumaqtyq jäne 127 uchaskelık komissiia jūmys ısteidı. Komissiialardyŋ qūramynda barlyǧy 845 adam bar.
Dauys beru saǧat 07:00-den 20:00-ge deiın ötedı. Al Jäirem kentındegı 6 uchaskede tau-ken baiytu kombinatynyŋ auysymdyq jūmys kestesıne bailanysty dauys beru saǧat 06:00-den 20:00-ge deiın ūiymdastyrylady.
Ūlytau oblysy boiynşa dauys beru tızımıne 136 447 azamat engızılgen.
Referendum künı mügedektıgı bar azamattardyŋ dauys beruıne qolaily jaǧdai jasalǧan. Barlyq uchaskeler pandustarmen jäne arnaiy tūtqalarmen jabdyqtalǧan. Sondai-aq kreslo-arba paidalanatyn azamattarǧa volonterlar kömegı körsetılıp, oblys boiynşa 7 invataksi qyzmetı jūmys ısteitın bolady.
