Memleket basşysynyŋ JOLTAP äleumettık jobasynyŋ tabysty täjıribesın elımızdıŋ öŋırlerıne taratu jönındegı tapsyrmasyn oryndau aiasynda Ūlytau oblysy äkımınıŋ orynbasary Nūrtas Kärıpbaev pen oblystyq jūmyspen qamtudy üilestıru jäne äleumettık baǧdarlamalar basqarmasynyŋ basşysy Qūrmet Sattybaev Astana qalasyna jūmys saparymen baryp, jobanyŋ ıske asyrylu täjıribesımen tanysty.
Astana qalasynyŋ äkımdıgı men «Jaŋa mümkındık» qoǧamdyq qory bırlesıp jüzege asyryp jatqan joba azamattardy sūranysqa ie mamandyqtarǧa tegın oqytu, jūmysqa ornalasuyna järdemdesu jäne käsıpkerlıktı damytu arqyly halyqtyŋ tabysyn arttyruǧa baǧyttalǧan.
Sapar barysynda delegasiia qoldanystaǧy oqu baǧdarlamalaryn, oqu prosesın ūiymdastyru tärtıbın, jūmys beruşılermen özara ıs-qimyl tetıkterın, sondai-aq tülekterdı oqu aiaqtalǧannan keiın qoldau jüiesın zerdeledı.
Kezdesude JOLTAP jobasyn Ūlytau oblysynda engızu mäselelerıne erekşe nazar audaryldy.
Elordada tiımdılıgın körsetken täjıribenı öŋırdıŋ ekonomikalyq erekşelıkterı men jergılıktı eŋbek naryǧynyŋ qajettılıkterıne beiımdeu josparlanyp otyr. Basym baǧyttar qatarynda önerkäsıp käsıporyndaryna, şaǧyn jäne orta bizneske, qyzmet körsetu salasyna qajettı mamandardy daiarlau, sondai-aq tūrǧyndardyŋ sifrlyq daǧdylaryn damytu bar.
Kelesı kezeŋde eŋbek naryǧynda sūranysqa ie mamandyqtardy aiqyndau, jūmys beruşılermen özara bailanysty jolǧa qoiu jäne jobany öŋırde ıske asyrudyŋ ūiymdastyruşylyq tetıgın äzırleu közdelgen.
Basty mındet – azamattarǧa jaŋa mamandyq meŋgeruge mümkındık berıp qana qoimai, olardyŋ jūmysqa ornalasuyna, käsıbi ösuıne jäne tabysyn arttyruyna naqty jaǧdai jasau.
Mūndai bastamalardy engızu halyqty jūmyspen qamtu mümkındıkterın keŋeituge jäne Ūlytau oblysynyŋ adami kapitalyn damytuǧa yqpal etedı.
