Şymkent qalasynda jaŋa Konstitusiiany qoldauǧa arnalǧan «Bız halyqtyq Konstitusiiany qoldaimyz» atty auqymdy sporttyq-mädeni ıs-şara ūiymdastyryldy. Ortalyq stadionda ötken keşke şamamen 20 myŋ adam jinaldy.
Is-şaranyŋ basty maqsaty – tūrǧyndardy 15 nauryzda ötetın respublikalyq referendumǧa qatysuǧa şaqyryp, jaŋa Konstitusiianyŋ män-maŋyzy men mazmūnyn tüsındıru.
Ūiymdastyruşylardyŋ aituynşa, jaŋa Konstitusiia eldıŋ demokratiialyq negızderın nyǧaituǧa, azamattardyŋ qūqyqtary men bostandyqtaryn qorǧau tetıkterın küşeituge baǧyttalǧan. Qūjatta «Ädılettı Qazaqstan» jäne «Zaŋ men tärtıp» qaǧidattaryn damytuǧa basymdyq berılgen.
Is-şaraǧa Şymkent qalasynyŋ äkımı Ǧabit Syzdyqbekov, «Integra Construction KZ» kompaniiasynyŋ menşık iesı Şahmūrat Mutalip qatysty.
Qala äkımı Ǧabit Syzdyqbekov jinalǧan qauymdy Premer-liganyŋ jaŋa mausymynyŋ bastaluymen qūttyqtap, jaŋa Konstitusiianyŋ eldıŋ saiasi jüiesın jaŋǧyrtyp, azamattardyŋ qūqyqtary men mümkındıkterın keŋeitetın maŋyzdy qūjat ekenın atap öttı. Sonymen qatar ol tūrǧyndardy 15 nauryzda ötetın respublikalyq referendumǧa belsendı qatysuǧa şaqyrdy.
«Elımızde 15 nauryz künı jaŋa Konstitusiiany qabyldau boiynşa respublikalyq referendum ötedı. Jaŋa Ata zaŋ – memleketımızdıŋ aldaǧy damuyna baǧyt-baǧdar beretın basty qūjat. Eldıŋ erteŋı ärqaisymyzdyŋ azamattyq ūstanymymyzǧa bailanysty. Sondyqtan būl ıske jauapkerşılıkpen qarauǧa şaqyramyn», – dedı qala äkımı.
Is-şara aiasynda qazaqstandyq estrada jūldyzdarynyŋ qatysuymen konserttık baǧdarlama ūiymdastyryldy. Olardyŋ qatarynda Qairat Nūrtas, Shiza jäne «Alatau serılerı» toby bar.
Sonymen qatar atalǧan ıs-şaraǧa qoǧamnyŋ är salasyndaǧy tanymal azamattar belsenı qatysyp, jaŋa Konstitusiiany qoldauǧa qatysty pıkır bıldırdı. Olardyŋ qatarynda sport jūldyzdary Aibek pen Nūrbek Oralbai, Mahmūt jäne Törehan Sabyrhandar, Arman Ospanov, aitysker aqyn Nūrlan Esenqūlov, «Million» jaidarman komandasynyŋ müşesı Qanat Tashan jäne basqa da tūlǧalar bar.
«Million» jaidarman komandasynyŋ müşesı Qanat Tashan jaŋa Konstitusiianyŋ eldıŋ bolaşaǧyna baǧyt beretın maŋyzdy qūjat ekenın atap öttı.
«Jaŋa Konstitusiia – elımızdıŋ damuyna baǧyt beretın maŋyzdy qūjat. Onda ädıldık pen zaŋ üstemdıgın nyǧaituǧa baǧyttalǧan özgerıster bar. Sondyqtan barşaŋyzdy 15 nauryzda ötetın referendumǧa qatysyp, jaŋa Konstitusiiany qoldauǧa şaqyramyn», – dedı Qanat Tashan.
Aitysker aqyn Nūrlan Esenqūlov ta jaŋa Konstitusiia qoǧamdaǧy tūraqtylyq pen ädıldıktı nyǧaituǧa qyzmet etetının aityp, azamattardy referendumǧa belsendı qatysuǧa şaqyrdy.
«Elımızdıŋ damuy men qoǧamdaǧy bırlıktıŋ nyǧaiuy är azamattyŋ belsendılıgıne bailanysty. Jaŋa Konstitusiia osy baǧyttaǧy maŋyzdy qadam dep oilaimyn», – dedı Nūrlan Esenqūlov.
«Ordabasy» futbol klubynyŋ qaqpaşysy Bekhan Şaizada da jaŋa Konstitusiia eldıŋ tūraqty damuyna negız bolatynyn atap öttı.
«Janküierlerdıŋ qoldauy bızge ärqaşan ülken küş beredı. Eldıŋ damuyna baǧyttalǧan bastamalardy qoldau da maŋyzdy. Jaŋa Konstitusiia Qazaqstannyŋ bolaşaǧyna qyzmet etedı dep senemın», – dedı Bekhan Şaizada.
Is-şara barysynda janküierler üşın türlı oiyn-sauyq baǧdarlamalary ūiymdastyrylyp, interaktivtı oiyndar ötkızıldı. Ūtys oiyndarynyŋ jeŋımpazdaryna ūialy telefondar men PlayStation oiyn konsolı tabystaldy. Keştıŋ basty jüldesı retınde avtokölık oinatyldy. Keş soŋynda stadion aumaǧynda feierverk pen lazerlık şou ūiymdastyryldy.
